କନକବ୍ୟୁରୋ : ଆବାସ ପାଇଁ ଲାଞ୍ଚ ମାଗିବାର ଖବର ପ୍ରସାରଣ ପରେ ଜଣେ ସାମ୍ବାଦିକଙ୍କୁ ପିଇଓଙ୍କ ହତ୍ୟା ଧମକ ଦେଇଥିବା ଜଣାଯାଇଛି ।  ଏହି ଘଟଣାରେ ସମ୍ପୃକ୍ତ ପିଇଓଙ୍କୁ ଉଠାଇ ନେଇ ବିଂଝାରପୁର ପୁଲିସ ଅଟକ ରଖିଛି  ।   ଯାଜପୁର ଜିଲ୍ଲା  ବିଞ୍ଝାରପୁର ବ୍ଲକ ଅନ୍ତର୍ଗତ ବିତନା ପଞ୍ଚାୟତର ପିଇଓ ସୁଶାନ୍ତ କୁମାର ସାହୁ ଆବାସ ଯାଞ୍ଚ ପାଇଁ ଯାଇଥିବା ସମୟର ମଦ ପିଇବାର ଏକ ଭିଡ଼ିଓ ଗଣମାଧ୍ୟମରେ ଭାଇରାଲ ହୋଇଥିଲା  ।

Advertisment

ଭିଡ଼ିଓ ଭାଇରାଲ ହେବା ପରେ ଖବର ପ୍ରସାରଣ କରିଥିଲେ ଜନୈକ ସାମ୍ବାଦିକ। ତେବେ ଖବର ପ୍ରସାରଣ ପରେ ଫୋନ୍ କରି ହତ୍ୟା ଧମକ ଦେଇଛନ୍ତି ସମ୍ପୃକ୍ତ ପିଇଓ ସୁଶାନ୍ତ ସାହୁ । ଟ୍ରକ୍ ଚଢ଼ାଇ ମାରି ଦେବାକୁ ଧମକ ଦେଇଥିବା  ଅଭିଯୋଗ ହୋଇଛି।

ତେବେ ନିଜର ସୁରକ୍ଷା ପାଇଁ ସାମ୍ୱାଦିକ ରାଣା ପ୍ରତାପ ମହାପାତ୍ର ବିଞ୍ଝାରପୁର ଥାନାର ଦ୍ବାରସ୍ଥ ହୋଇଛନ୍ତି  ।   ତେବେ ଏଭଳି ଅଭିଯୋଗ ନୂଆ ନୁହେଁ ମଦ ପିଇବା ପୂର୍ବରୁ ମଧ୍ୟ ଏଭଳି ଅଭିଯୋଗ ଆସିଛି   ।    ଏହି ଘଟଣା ପରେ ଉକ୍ତ ପିଇଓ ସୁଶାନ୍ତ କୁମାର ସାହୁଙ୍କୁ ବିଂଝାରପୁର ପୁଲିସ ଅଟକ  କରିଛି  l

ଆବାସ ତଦନ୍ତରେ ଯାଇ ବିତନା ପଞ୍ଚାୟତର ପିଇଓ ସୁଶାନ୍ତ କୁମାର ସାହୁ  ହିତାଧିକାରୀଙ୍କଠାରୁ ମଦ ମାଗି ପିଉଥିବାର ଭିଡିଓ ଭାଇରାଲ ହୋଇଥିଲା । ଏହାକୁ ନେଇ ସାମ୍ବାଦିକ ରାଣାପ୍ରତାପ ମହାପାତ୍ର ଖବର ପ୍ରସାରଣ କରିଥିଲେ  ।   ଏଥିରେ ଉତକ୍ଷିପ୍ତ ହୋଇ ପିଇଓ ଶ୍ରୀ ସାହୁ ରାଣା ପ୍ରତାପଙ୍କୁ ହତ୍ୟା ଧମକ ଦେଇଥିଲେ ।  ଥାନାରେ ଅଭିଯୋଗ ପରେ ଗତକାଲି ବିଂଝାରପୁର ପୁଲିସ  ୩୭୯/୨୫ରେ ଏକ ମାମଲା ରୁଜୁ କରିଥିଲା ।  ଆଜି ଶ୍ରୀ ସାହୁଙ୍କୁ ଗିରଫ କରିଛି ।