ବାରିପଦା ମେଡିକାଲରୁ ନବଜାତ ଶିଶୁ ଚୋରି ଘଟଣା, ପ୍ରସୂତିଙ୍କୁ ସାହାଯ୍ୟ ବହାନାରେ ଛୁଆକୁ ନେଇ ପଳାଇଥିଲେ ଅପରିଚିତ ମହିଳା

କନକ ବ୍ୟୁରୋ :  ବାରିପଦା ମୁଖ୍ୟ ଚିକିତ୍ସାଳୟରେ ମାତିଛନ୍ତି ପିଲାଚୋର । ବାରିପଦା ମେଡିକାଲ ଭିତରୁ ଏକ ନବଜାତ ଶିଶୁ ଚୋରି ହୋଇଥିବା ଅଭିଯୋଗ ଆସିଛି । ପ୍ରସୂତିଙ୍କୁ ସାହାଯ୍ୟ କରିବା ବାହାନାରେ ଶିଶୁକୁ ଡାକ୍ତର ପାଖକୁ ନେଇଯିବା କହି ଜଣେ ଅପରିଚିତ ମହିଳା ଛୁଆକୁ ନେଇ ଛୁ’ ମାରି୍ଥିଲା । 

ବାରିପଦା ସଦରଥାନା ଅନ୍ତର୍ଗତ ରାଣୀଭୋଳ ଗାଁର ଫୁଲମଣୀ ସୋରେନ ଗତକାଲି ସକାଳେ ହସପିଟାଲରେ ଆଡମିସନ ହୋଇଥିଲେ। କାଲି ହିଁ ତାଙ୍କର ଛୁଆ ଜନ୍ମ ହୋଇଥିଲା । ଆଜି ସକାଳୁ ଛୁଆ ଚୋରି ହୋଇଥିବା ଅଭିଯୋଗ ହୋଇଥିଲା । । ତେବେ ଫୁଲମଣି ତାଙ୍କ ସ୍ବାମୀଙ୍କ ଉପରେ ଦୋଷ ଲଦିଛନ୍ତି । ତାଙ୍କ ସ୍ବାମୀ କାହାକୁ ବିକି ଦେଇଥିବା ଅଭିଯୋଗ ଆଣିଥିଲେ ଫୁଲମଣୀ । ହେଲେ ଏନେଇ ଥାନାରେ ଅଭିଯୋଗ ହେବା ପରେ ସ୍ଥାନୀୟ ପୁଲିସ ଖୋଜା ଖୋଜି କରି ନବଜାତକୁ ଠାବ କରିବାରେ ସଫଳ ହୋଇଛି ।