କନକ ବ୍ୟୁରୋ : ଆପଣଙ୍କୁ ମନେ ଥିବ ଏହି କିଛି ଦିନ ତଳେ ଗିଲାସେ ପାଣିରେ ହଳଦୀଗୁଣ୍ଡ ପକାଇ କେମିତି ସୋସିଆଲ୍ ମିଡିଆ ୟୁଜର୍ସ ରିଲ୍ କରୁଥିଲେ । ଏହି ରିଲ୍ ପ୍ରଥମେ ଭିଡିଓ ଏବଂ ଟ୍ରେଣ୍ଡରେ ପରିଣତ ହୋଇଥିଲା । ପିଲାଠୁ ବୟସ୍କ ଯାହାକୁ ଦେଖ ପାଣିରେ ହଳଦୀଗୁଣ୍ଡ ପକାଇ ବଲିଉଡ୍ ଗୀତର ବିଜିଏମରେ ରିଲ୍ କରୁଥିଲେ । କିନ୍ତୁ ସବୁର ଏକ ନିର୍ଦ୍ଧିଷ୍ଟ ସମୟ ଥିବା ପରି ଏହି ଟ୍ରେଣ୍ଡର ମଧ୍ୟ ସମୟ ସରିଥିଲା ହେଲେ ଏବେ ଏହାର ଅପଡେଟ୍ ଭର୍ସନ୍ ସୋସିଆଲ୍ ମିଡିଆ ବଜାରରେ ଆସିଯାଇଛି । ୨ ଜଣ ଯୁବକ ସୋସିଆଲ୍ ମିଡିଆରେ ଏମିତି ଗୋଟିଏ ଭିଡିଓ ପୋଷ୍ଟ୍ କରିଛନ୍ତି ଯାହାକୁ ବର୍ତ୍ତମାନ ପର୍ଯ୍ୟନ୍ତ ୯ କୋଟିରୁ ଅଧିକ ଲୋକ ଦେଖି ସାରିଲେଣି । 

Advertisment

ଭାଇରାଲ୍ ହେଉଥିବା ଯୁବକଙ୍କ ଏହି ଭିଡିଓଟି ସାଧାରଣ ଦେଖାଯାଉଥିଲେ ବି ଏହା ୟୁଜର୍ସଙ୍କୁ ଖୁବ୍ ଆକୃଷ୍ଟ କରିଛି । ଲଣ୍ଡା ହୋଇଥିବା ଯୁବକଙ୍କ ମୁଣ୍ଡରେ ତାଙ୍କ ସାଙ୍ଗ ପାଉଡର୍ ଢାଳି ଉଡ଼ାଉଛନ୍ତି । ଯାହା ସମସ୍ତଙ୍କୁ ହସାଇ ହସାଇ ବେଦମ୍ କରିବା ସହ ଲୋକଙ୍କ ମନୋରଞ୍ଜନ ମଧ୍ୟ କରିଛି । କ୍ୟାପ୍ସନରେ New Technologia ଲେଖି ୟୁଜର୍ସଙ୍କ ଧ୍ୟାନ ଆକର୍ଷଣ କରିଛନ୍ତି ୨ ଯୁବକ । ଏହି ଭିଡିଓଟି ଇନଷ୍ଟାଗ୍ରାମରେ @lalan_comedy_1 ନାମକ ଆକାଉଣ୍ଟରେ ଜୁଲାଇ ୧୩ ତାରିଖରେ ସେୟାର୍ କରାଯାଇଛି । ଯାହାକୁ ବର୍ତ୍ତମାନ ପର୍ଯ୍ୟନ୍ତ ୯୧ ମିଲିୟନ୍ ଲୋକ ଦେଖିବା ସହ ୨୩ ଲକ୍ଷ ଲୋକ ଲାଇକ୍ କରିସାରିଲେଣି ।