କନକବ୍ୟୁରୋ : ଜାଗା ପଜେସନକୁ ନେଇ ରାଜଧାନୀ ରେ ଗଣ୍ଡଗୋଳ ।  ଆକ୍ରମଣରେ ଫାଟିଲା ମହିଳାଙ୍କ ମୁଣ୍ଡ ।  ଘର ଭିତରେ ପଶିଲେ ଭଙ୍ଗାରୁଜା କରିବା ସହ ପିଟିଲେ ।  ଏନେଇ ମାମଲା ପହଞ୍ଚିଛି ଲକ୍ଷ୍ମୀସାଗର ଥାନାରେ  ।  ଏହି ଘଟଣାରେ ଜମି ଜବରଦଖଲର ନୂଆ ତରିକା ସାମ୍ନାକୁ ଆସିଛି। କେମିତି ବାହୁବଳୀ ବାଉଁସର ଲଗାଇ ଫିଲ୍ମ ଷ୍ଟାଇଲରେ ହେଉଛି ଜାଗା ଦଖଲ । 

ଅତର୍କିତ ଭାବେ ମାଡି ଆସିଲେ ଗୁଣ୍ଡା । ଘର ଭିତରେ କଲେ ଭଂଗାରୁଜା  ।   ଯାହାକୁ ପାରିଲେ ପିଟିଲେ  ।  ସିସିଟିଭି ତାଡ଼ିନେଲେ ।  ଅଟକାଇ ବାରୁ ଯୁବତୀଙ୍କ ମୁଣ୍ଡ ଫଟାଇଲେ ।  ମାଡ ଖାଇବା ପରେ ଯୁବତୀ ହସ୍ପିଟାଲ ଗଲେ, ଆଉ ମାମଲା ଥାନାରେ ପହଁଚିଲା  ।   ଏତେ ସବୁ ପଛରେ ଥିଲା ଜମି ଦଖଲ ।   ଗୋଟିଏ ଜମି କିନ୍ତୁ ମାଲିକ ଦୁଇ ଜଣ ହୋଇଥିବାରୁ ଏମିତି ଢଙ୍ଗରେ ବିବାଦ ଉଗ୍ର ରୂପ ନେଇଛି। ଆଇନ କାନୁନକୁ ପଛରେ ପକାଇ ବାଉଁସର ଲଗାଇ ପରସ୍ପର ତାକତ ମାପୁଛନ୍ତି ।    ନା ଅଛି ,   ପୁଲିସକୁ ଭୟ ନା ଅଛି କୋର୍ଟଙ୍କ ଆଦେଶକୁ ଖାତିର I ପୂର୍ବରୁ ଜାଗା କବଜା ପାଇଁ ବହୁବାର ବାହୁବଳୀ ବାଉଁସରଙ୍କ କାରନାମା ଦେଖିଛି ରାଜଧାନୀ I ପରିଣାମ ସ୍ୱରୂପ ବନ୍ଧା ହୋଇ ଜେଲ ବି ଯାଇଛନ୍ତି  I