ରାଉରକେଲା ଇସ୍ପାତ କାରଖାନାର RCM ବିଭାଗରେ ପରୀକ୍ଷଣ ସୁବିଧା ଉଦଘାଟିତ

କନକ ବ୍ୟୁରୋ: ରାଉରକେଲା ଇସ୍ପାତ କାରଖାନା କେନ୍ଦ୍ରୀକୃତ ରକ୍ଷଣାବେକ୍ଷଣ(ଯାନ୍ତ୍ରିକ) ବିଭାଗର ମରାମତି ଭବନରେ ଜୁନ୍ ୨୬ ତାରିଖରେ ସିଜିଏମ୍ ଇନ ଚାର୍ଜ ଆର.ଏନ୍. ରାଜେନ୍ଦ୍ରନ ଏକ ନିଜସ୍ୱ ରୂପେ ବିକଶିତ ପରୀକ୍ଷଣ ସୁବିଧା ଉଦଘାଟନ କରିଛନ୍ତି । ଏହି ଅବସରରେ ସିଜିଏମ ମେକାନିକାଲ ଦେବେନ୍ଦ୍ର କୁମାର ପାଳ, ସିଏମ୍(ଏମ୍) ବିଭାଗର ଜିଏମ୍ ଇନ-ଚାର୍ଜ ଏସ୍.କେ. ପଙ୍କ, ସିଏମ୍(ଏମ୍) ବିଭାଗର ଜିଏମ୍ ଏସ୍.ପି. ପଟେଲ, ଏଜିଏମ ଶ୍ରୀ ଏସ୍. ଅଖତର, ବହୁ ଅନ୍ୟ ବରିଷ୍ଠ ଅଧିକାରୀ ଏବଂ ବହୁ ସଂଖ୍ୟକ କର୍ମଚାରୀ ଉପସ୍ଥିତ ଥିଲେ ।

ନିଜର ବକ୍ତବ୍ୟରେ ରାଜେନ୍ଦ୍ରନ୍ ଏହି ସୁବିଧାକୁ ନିଜସ୍ଵ ଭାବରେ ସଂରଚିତ ଏବଂ ବିକଶିତ କରିବା ପାଇଁ ଦଳର ପ୍ରୟାସକୁ ପ୍ରଶଂସା କରିଥିଲେ । ସେ ସମଗ୍ର ପ୍ଲାଣ୍ଟରେ ଆତ୍ମନିର୍ଭରଶୀଳତା, କାର୍ଯ୍ୟକ୍ଷମତା ଏବଂ ସୁରକ୍ଷା ମାନଦଣ୍ଡ ବୃଦ୍ଧି କରିବାରେ ଏପରି ପଦକ୍ଷେପର ମହତ୍ତ୍ୱ ଉପରେ ଗୁରୁତ୍ୱାରୋପ କରିଥିଲେ ।
ନୂତନ ଭାବରେ ଉଦଘାଟିତ ହୋଇଥ‌ିବା ଏହି ସୁବିଧା ବିବିଧ ଚାପ ଆବଶ୍ୟକତା ବିଶିଷ୍ଟ ସୁରକ୍ଷା ଭଲ୍‌ର ସୁଗମ ଏବଂ ଦକ୍ଷ ପରୀକ୍ଷଣ ସୁନିଶ୍ଚିତ କରିବା ପାଇଁ ଡିଜାଇନ୍ କରାଯାଇଛି, ଯାହା ଫଳରେ ପ୍ଲାଣ୍ଟର ବିଭିନ୍ନ ଉତ୍ପାଦନ ୟୁନିଟ୍‌ଗୁଡ଼ିକୁ ପ୍ରୟୋଜନୀୟ ସହାୟତା ମିଳିପାରିବ। ଏହି ନିଜସ୍ଵ ସୁବିଧା ରକ୍ଷଣାବେକ୍ଷଣ କାର୍ଯ୍ୟ ସମୟ ଏବଂ ନିର୍ଭରଯୋଗ୍ୟତାକୁ ଉଲ୍ଲେଖନୀୟ ଭାବରେ ଉନ୍ନତ କରିବ ।