ନେପାଳରେ ଧୀରେଧୀରେ ସୁଧୁରୁଛି ସ୍ଥିତି : ମଧ୍ୟବର୍ତ୍ତୀ ସରକାର ଗଠନ ପାଇଁ ଉଦ୍ୟମ

କନକ ବ୍ୟୁରୋ : ନେପାଳରେ ଧୀରେଧୀରେ ସ୍ଥିତି ସୁଧୁରିଥିଲେ ବି  ରାଜଧାନୀ କାଠମାଣ୍ଡୁ ସହିତ ଲଳିତପୁର ଓ ଭକ୍ତପୁର ଜିଲ୍ଲାରେ କର୍ଫ୍ୟୁ ଅବଧି ଆସନ୍ତାକାଲି ୬ଟା ପର୍ଯ୍ୟନ୍ତ ବଢ଼ାଇ ଦିଆଯାଇଛି । ଜରୁରୀ ସେବା, ଯାନବାହନ ଓ ଅନୁଷ୍ଠାନକୁ କଟକଣାରୁ ବାଦ ଦିଆଯାଇଛି । ଦୈନନ୍ଦିନ ଆବଶ୍ୟକତା ପୂରଣ ପାଇଁ ସକାଳ ୬ଟାରୁ ୯ଟା ଓ ଅପରାହ୍ଣ ୫ଟାରୁ ରାତି ୭ଟା ପର୍ଯ୍ୟନ୍ତ ଅଳ୍ପ ସଂଖ୍ୟାରେ ଲୋକ ବାହାରକୁ ଆସିବା ପାଇଁ ସେନା ଅନୁମତି ଦେଇଛି । କୌଣସି ସ୍ଥାନରେ ଲୋକ ମେଳି ବାନ୍ଧି ପାରିବେ ନାହିଁ । ମଧ୍ୟବର୍ତ୍ତୀ ସରକାର ଗଠନ ପାଇଁ ଉଦ୍ୟମ ଜାରି ରହିଛି । ନେପାଳର ପୂର୍ବତନ ପ୍ରଧାନ ବିଚାରପତି ସୁଶୀଳା କାର୍କିଙ୍କ ନେତୃତ୍ବରେ ଅନ୍ତରୀଣ ସରକାର ଗଠନ ପାଇଁ ଉଦ୍ୟମ ଜାରି ରହିଛି ।  ନେପାଳ ସେନାମୁଖ୍ୟଙ୍କ ସହ ଜଷ୍ଟିସ୍ ସୁଶୀଳା କାର୍କି ଘନଘନ ଆଲୋଚନା ଚଳାଇଛନ୍ତି । ଜେନ୍ ଜେଡ୍ ବିକ୍ଷୋଭକାରୀ ମଧ୍ୟରେ ମଧ୍ୟ ଆଲୋଚନା ଚାଲିଛି ।  

ନେପାଳ କର୍ଫ୍ୟୁ ବଳବତ୍ତର
କାଠମାଣ୍ଡୁ, ଲଳିତପୁର ଓ ଭକ୍ତପୁରରେ ଆସନ୍ତାକାଲି ୬ଟା ପର୍ଯ୍ୟନ୍ତ କର୍ଫ୍ୟୁ
କଟକଣାରୁ ଜରୁରୀ ସେବା, ଯାନବାହନ ଓ ଅନୁଷ୍ଠାନ ବାଦ 
ମଧ୍ୟବର୍ତ୍ତୀ ସରକାର ଗଠନ ପାଇଁ ଉଦ୍ୟମ ଜାରି 
ନେପାଳ ସେନାମୁଖ୍ୟଙ୍କ ସହ ସୁଶୀଳା କାର୍କିଙ୍କ ଆଲୋଚନା 
ଜେନ୍ ଜେଡ୍ ବିକ୍ଷୋଭକାରୀ ମଧ୍ୟରେ ମଧ୍ୟ ଆଲୋଚନା