ନେପାଳ ପଧାନମନ୍ତ୍ରୀ ଓଲି ଦେଲେ ଇସ୍ତଫା ;  ସେନା ସହ ଆଲୋଚନା ପରେ ଫଇସଲା

କନକ ବ୍ୟୁରୋ: ନେପାଳ ହଂସା ଭିତରେ ବଡ଼ ଖବର । ଇସ୍ତଫା ଦେଲେ ପ୍ରଧାନମନ୍ତ୍ରୀ କେପି ଶର୍ମା ଓଲି ।  ଉଗ୍ର ହେଉଛି ହିଂସା, ହୁତୁ ହୁତୁ ହୋଇ ଜଳୁଛି ଲୋକଙ୍କ  କ୍ରୋଧର ନିଆଁ । ବଳି ପଡ଼ିଲେଣି ୩ ମନ୍ତ୍ରୀ । ମୋର୍ଚ୍ଚାରେ ସେନା । ସେନା ସହ ଆଲୋଚନା ପରେ ଯାହା ଫଇସଲା ହେବ ବୋଲି କହିଛନ୍ତି ସେନା ମୁଖ୍ୟ ।

ନେପାଳରେ ହିଂସା ଥମିବାର ନାଁ ନେଉନି । ରାଷ୍ଟ୍ରପତିଙ୍କ ଘରେ ବିଦ୍ରୋହି ନିଆଁ ଲଗାଇଦେବା ସହ କଂଗ୍ରେସ ମୁଖ୍ୟାଳୟରେ ପଶି ଭଙ୍ଗାରଜା କରିଛନ୍ତି । ଦେଶର ଗୃହମନ୍ତ୍ରୀ, କୃଷିମନ୍ତ୍ରୀ ଓ ସ୍ବାସ୍ଥ୍ୟ ଇସ୍ତଫା ଦେବା ପରେ ବି ଲୋକଙ୍କ ରାଗ ଥମୁନି । କାଠମାଣ୍ଡୁର ରାଜରାସ୍ତାରେ ଏକାଠି ହୋଇଛନ୍ତି ଲକ୍ଷ ଲକ୍ଷ ଯୁବକ । ସୁରକ୍ଷାକର୍ମୀଙ୍କ ଉପରକୁ ମଧ୍ୟ ଢେଲା ମାଡ଼ କରୁଥିବା ଦେଖିବାକୁ ମିଳିଛି । ଏଭଳି ସ୍ଥଳେ ପ୍ରଧାନମନ୍ତ୍ରୀ ଦେଶଛାଡ଼ି ପଳାଇବାକୁ ପ୍ରସ୍ତୁତ ହେଉଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।

ସୋସିଆଲ ମିଡିଆ ଉପରେ ବ୍ୟାନ୍ ଲଗାଯିବା ପରେ ଲୋକଙ୍କ ରାଗ ପଞ୍ଚମ ହୋଇଥିଲା। ସେମାନଙ୍କ କ୍ରୋଧର ନିଆଁରେ ଘିଅ ଢାଳିବା ପରି କାମ କରିଛି ସେନା । ପ୍ରକୃତରେ ଶାସକ ଦଳକୁ ଗାଦିରୁ ହଟାଇବାକୁ ଏହା ଷଡ଼ଯନ୍ତ୍ର ବୋଲି କୁହାଯାଉଛି ।