ଭାଙ୍ଗିଲା ନେପାଳ ସଂସଦ, ମାର୍ଚ୍ଚରେ ନିର୍ବାଚନ

କନକ ବ୍ୟୁରୋ : ନେପାଳ ସଂସଦ ଭାଙ୍ଗିଲେ ରାଷ୍ଟ୍ରପତି ରାମଚନ୍ଦ୍ର ପୌଡ଼େଲ । ସଂସଦ ଭାଙ୍ଗିବା ସହ ନୂଆ ନିର୍ବାଚନ ତାରିଖ ଘୋଷଣା କରିଛନ୍ତି । ୨୦୨୬ ମାର୍ଚ୍ଚ ୫ ତାରିଖରେ ହେବ ନିର୍ବାଚନ । ଦେଶରେ ସୋସିଆଲ ମିଡିଆ ପ୍ଲାଟଫର୍ମ ବ୍ୟାନକୁ ନେଇ ଗତ ୮ ତାରିଖରେ ରାଜଧାନୀ କାଠମାଣ୍ଡୁରେ ଜୋରଦାର ପ୍ରତିବାଦ କରିଥିଲେ ଜେନ-ଜି । ପରେ ଏହା ଭୟଙ୍କର ଆନ୍ଦୋଳନର ରୂପ ନେଇଥିଲା । ସଂସଦ ଭବନ ସହ ବିଭିନ୍ନ ସରକାରୀ ଭବନ ଜାଳିଦେଇଥିଲେ ପ୍ରତିବାଦ ।

Advertisment

ଏଭଳି ପ୍ରତିବାଦ ପରେ ମାତ୍ର ୪ ଦିନରେ ବଦଳିଗଲା ନେପାଳ ସରକାର । ଅଶାନ୍ତ ନେପାଳର ମଙ୍ଗ ଧରିଲେ ସୁଶୀଳା କାର୍କି । ଅନ୍ତରୀଣ ପ୍ରଧାନମନ୍ତ୍ରୀ ଭାବେ ନେଇଛନ୍ତି ଶପଥ। ରାଷ୍ଟ୍ରପତି ରାମଚନ୍ଦ୍ର ପୌଡ଼େଲ କରାଇଛନ୍ତି ଶପଥ ପାଠ । ଜେନ-ଜିଙ୍କ ଆନ୍ଦୋଳନ ପରେ ଓଲି ସରକାରର ପତନ ଘଟିଥିଲା । ପରେ ସେନା ନିୟନ୍ତ୍ରଣରେ ଶାସନ ଭାର ରହିଥିବା ମଧ୍ୟବର୍ତ୍ତୀକାଳୀନ ସରକାର ଗଠନ ପ୍ରକ୍ରିୟା ଆରମ୍ଭ ହୋଇଛି । ସୁଶୀଲା କାର୍କି ପ୍ରଥମ ମହିଳା ପ୍ରଧାନମନ୍ତ୍ରୀ ଭାବେ ଶପଥ ନେଇଥିବା ବେଳେ ଏକଜୁଟ ହେବାକୁ ଦେଶବାସୀଙ୍କୁ ଅପିଲ୍ କରିଛନ୍ତି । ଆନ୍ଦୋଳନ କରୁଥିବା ଯୁବବର୍ଗଙ୍କ ପ୍ରଥମ ପସନ୍ଦ ନଥିଲେ ସୁଶୀଳା । କାଠମାଣ୍ଡୁର ମେୟର ବାଲେନ୍ ଶାହ ଥିଲେ ଯୁବବର୍ଗଙ୍କ ପ୍ରଥମ ପସନ୍ଦ, ଯିଏ ଏହି ଆନ୍ଦୋଳନ କରିବାକୁ ଆହ୍ବାନ ଦେଇଥିଲେ । କିନ୍ତୁ ବାଲେନ୍ ଦାୟିତ୍ବ ନେବାକୁ ସିଧାସଳଖ ମନା କରିଦେଇଥିଲେ । ଯାହା ପରେ ସୁଶୀଳାଙ୍କ ନାଁ ସାମ୍ବାକୁ ଆସିଥିଲା । ତା’ପରେ ବାଲେନ୍ ମଧ୍ୟ ସୁଶୀଳାଙ୍କୁ ନିଜର ସମର୍ଥନ ଦେଲେ । ଆଉ ଏଥିସହ ନେପାଳରେ ରାଜନୈତିକ ସଂକଟରେ ବିରାମ ଲାଗିଛି ।

ସୁଶୀଳା କାର୍କି ହେଲେ ନେପାଳର ଅନ୍ତରୀଣ ପ୍ରଧାନମନ୍ତ୍ରୀ
ଶପଥ ପାଠ କରାଇଲେ ରାଷ୍ଟ୍ରପତି ପୌଡ଼େଲ
ଜାତୀୟ ସ୍ୱାର୍ଥରେ କାମ କରିବାକୁ ପ୍ରସ୍ତୁତ ବୋଲି କହିଲେ ସୁଶୀଳା କାର୍କି
'ଦେଶ ଏହି ସମୟରେ ଏକ ଅଭୂତପୂର୍ବ ପରିସ୍ଥିତି ଦେଇ ଗତି କରୁଛି'
'ନେପାଳୀମାନଙ୍କୁ ଏକଜୁଟ ହୋଇ ଦେଶ ବିଷୟରେ ଚିନ୍ତା କରିବାକୁ ଅପିଲ୍'
'ଦେଶ ଏକ ଅନ୍ତରୀଣ ସରକାର ପାଇଛି, ଯାହା ଦେଶରେ ନୂତନ ନିର୍ବାଚନ କରିବ'
'ଏହି ଅନ୍ତରୀଣ ସରକାରଙ୍କ କାମ ହେଉଛି ନିର୍ବାଚନ ପରିଚାଳନା କରିବା'
'ଦେଶକୁ ଏକ ନୂତନ ଜନାଦେଶ ଦେବା ଅନ୍ତରୀଣ ସରକାରର ମୁଖ୍ୟ ଉଦ୍ଦେଶ୍ୟ ରହିବ'

ଏବେ ଆସନ୍ତୁ ନଜର ପକାଇବା ଜେନ-ଜି’ର ଦାବି କ’ଣ ଥିଲା ।

୬ରୁ ୧୨ ମାସ ମଧ୍ୟରେ ସାଧାରଣ ନିର୍ବାଚନ କରାଯାଉ
ଯାହାଫଳରେ ଗଣତନ୍ତ୍ର ପ୍ରତିଷ୍ଠା ସହ ଜନସାଧାରଣ ନିଜ ପସନ୍ଦର ସରକାର ଚୟନ କରିପାରିବେ
ନେପାଳର ସଂସଦ ଭଙ୍ଗ କରିବା ଦାବିରେ ଏହି ବିକ୍ଷୋଭ ପ୍ରଦର୍ଶନ କରାଯାଇଥିଲା
ଏହି ଦାବିକୁ ଗ୍ରହଣ କରି ସୁଶିଳା କାର୍କୀଙ୍କ ହାତରେ କ୍ଷମତା ଦିଆଯାଇଛି
ଅନ୍ୟତମ ପ୍ରମୁଖ ଦାବି ଥିଲା ବେସାମରିକ-ସାମରିକ ସରକାର ଗଠନ
ପ୍ରସ୍ତାବ ଅନ୍ତର୍ଗତ ନେପାଳରେ ଏପରି ଏକ ସରକାର ହେଉ, ଯିଏ ଉଭୟ ସାଧାରଣ ନାଗରିକ ଏବଂ ସେନାର ପ୍ରତିନିଧି କରୁଥିବ
ଆନ୍ଦୋଳନକାରୀଙ୍କ ପ୍ରତିବାଦର କାରଣ କେବଳ ସୋସିଆଲ ମିଡିଆ ଉପରେ କଟକଣା ନୁହେଁ, ବରଂ ଦୁର୍ନୀତି ଥିଲା ମୁଖ୍ୟ କାରଣ
ପୁରୁଣା ଦଳ ଓ ନେତାଙ୍କ ସମ୍ପତ୍ତିର ତଦନ୍ତ ପାଇଁ ଏକ ନ୍ୟାୟିକ କମିଶନ ଗଠନ ଦାବି
ଏଥିସହିତ ଆନ୍ଦୋଳନକାରୀଙ୍କ ଉପରେ ହୋଇଥିବା ହିଂସାକାଣ୍ଡର ନିରପେକ୍ଷ ତଦନ୍ତ ଦାବି