ଓଡିଶାରେ ପହଞ୍ଚିଲା ଜାତୀୟ ତଦନ୍ତକାରୀ ଟିମ୍: ମୃତ ପ୍ରଶାନ୍ତ ଶତପଥୀଙ୍କ ପତ୍ନୀ ଓ ପୁଅଙ୍କୁ କଲେ ପଚରାଉଚରା

କନକ ବ୍ୟୁରୋ: ପହଲଗାମ ଆକ୍ରମଣର ତଦନ୍ତ ଜୋରଦାର । ଓଡିଶାରେ ପହଞ୍ଚିଲା ଜାତୀୟ ତଦନ୍ତକାରୀ ଟିମ୍ । ମୃତ ପ୍ରଶାନ୍ତ ଶତପଥୀଙ୍କ ପତ୍ନୀ ଓ ପୁଅଙ୍କୁ କଲେ ପଚରାଉଚରା । ବାଲେଶ୍ବର ଇଶାଣୀ ଗାଁରେ ପହଞ୍ଚି ତଦନ୍ତ କରୁଛି ଏନଆଇଏ । ପ୍ରଶାନ୍ତଙ୍କ ଘରେ ଏନଆଇଏର ପଚରାଉଚରା । ଆତଙ୍କବାଦୀ ଆକ୍ରମଣର ସେମାନେ ଥିଲେ ପ୍ରତ୍ୟକ୍ଷଦର୍ଶୀ । ଏନଆଇଏର ୩ ଜଣିଆ ଟିମ ୧୨ଟାରୁ ଆସି ପହଞ୍ଚିଛନ୍ତି । 

ପହଲଗାମରେ ହୋଇଥିବା ଆତଙ୍କୀ ଆକ୍ରମଣରେ ପ୍ରାଣ ହରାଇଥିଲେ ବାଲେଶ୍ୱରର ପ୍ରଶାନ୍ତ ଶତପଥୀ । ପ୍ରଶାନ୍ତଙ୍କୁ ହରାଇ ତାଙ୍କ ଗାଁରେ ଶୋକର ଛାୟା । ଏହି ଆକ୍ରମଣରେ ପ୍ରାୟ ୨୮ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିଲେ । ଏହି ଘଟଣା ପରେ ଆତଙ୍କବାଦ ବିରୋଧରେ କଠୋର ହୋଇଛନ୍ତି ଭାରତ ସରକାର ।