ବାରିପଦା ରେଞ୍ଜ ନରହନ୍ତା ହାତୀକୁ ଟ୍ରାଙ୍କୁଲାଇଜ କରିବାକୁ ନାକେଦମ୍ ବନବିଭାଗ । ୩ ଦିନରେ ନେଲାଣି ୪ ଜୀବନ

କନକ ବ୍ୟୁରୋ : ବାରିପଦା ରେଞ୍ଜ ବେତନଟୀ ଥାନା ରାଧିକାଶୋଳ ମାତିଛି ନରହନ୍ତା ଦନ୍ତା । ୩ ଦିନରେ ନେଇ ସାରିଲାଣି ୪ ଜୀବନ । ଭୟରେ ଘରୁ ଗୋଡ଼ କାଢିବାକୁ ଡରୁଛନ୍ତି ଅଞ୍ଚଳବାସୀ । କନକ ନ୍ୟୁଜ କ୍ୟାମେରାରେ ଏହି ନରହନ୍ତା ଦନ୍ତାର ଦୃଶ୍ୟ କଏଦ ହୋଇଛି । ସେପଟେ ନରହନ୍ତାକୁ ଟ୍ରାଙ୍କୁଲାଇଜ କରି ଧରିବାକୁ ବନବିଭାଗ ନାକେଦମ ହେଲାଣି । ଏହି ହାତୀକୁ ଧରିବାକୁ ଆସାମରୁ ସ୍ବତନ୍ତ୍ର ଟିମ ଆସି ପହଁଚିଛି । ହାତୀ ଆକ୍ରମଣରେ ୪ ଜଣଙ୍କ ମୃତ୍ୟୁ ହେଲାଣି । ଏହି ଘଟଣାରେ ଟ୍ରାଙ୍କୁଲାଇଜ୍ ହେବ ନରହନ୍ତା ଦନ୍ତା । ହାତୀକୁ ଟ୍ରାଙ୍କୁଲାଇଜ କରିବା ପାଇଁ ନାକେଦମ୍ ହେଲାଣି ବନବିଭାଗ ।

୩ ଦିନରେ ୪ ଜୀବନ ଯାଇଥିବା ବେଳେ ୪ ଜଣ ଗୁରୁତର ହୋଇଛନ୍ତି । ଏକାଧିକ ଘର ଭାଙ୍ଗିଛି ଦନ୍ତାହାତୀ । ଯାହାକୁ ନେଇ ଆତଙ୍କିତ ଅଛନ୍ତି ଅଞ୍ଚଳବାସୀ । ଟ୍ରଙ୍କୁଲାଇଜ୍ କରି ହାତୀକୁ ସ୍ଥାନାନ୍ତର କରିବା ନେଇ ବନବିଭାଗ ପ୍ରୟାସ ଆରମ୍ଭ କରିଛି । ହାତୀକୁ ଟ୍ରାଙ୍କୁଲାଇଜ କରିବା ପାଇଁ ଆସାମରୁ ଆସିଛନ୍ତି ସ୍ୱତନ୍ତ୍ର ଟିମ୍ । ଆଜି ସକାଳୁ ଜଣେ ମହିଳାଙ୍କୁ ଘରୁ ଟାଣି ଦଳିଦେଇଥିବା ଖବର ଆସିଥିଲା । ଘର ବାରଣ୍ଡାରେ ଶୋଇଥିବା ଅବସ୍ଥାରେ ମହିଳାଙ୍କୁ ହାତୀଟି ଦଳିଦେଇଥିଲା । ବାରିପଦା ରେଞ୍ଜ ବେତନଟୀ ଥାନା ରାଧିକାଶୋଳ ଗାଁରୁ ଆସିଥିଲା ଏହି ଖବର । ଏବେ ସେହି ନରହନ୍ତା ହାତୀକୁ ଟ୍ରାଙ୍କୁଲାଇଜ୍ କରିବାକୁ ବନବିଭାଗ ପକ୍ଷରୁ ଆରମ୍ଭ ହୋଇଛି ଉଦ୍ୟମ ।