କନକବ୍ୟୁରୋ : ବୁଲେଟ୍‌ ଟ୍ରେନ୍‌ରେ ବୁଲିଲେ ମୋଦୀ। ଜାପାନ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ବୁଲେଟ୍‌ ଟ୍ରେନ୍‌ରେ ବସି ବୁଲିଛନ୍ତି । ଉନ୍ନତ ବୁଲେଟ୍ ଟ୍ରେନ୍ ଇ-୧୦ ଦେଖିବା ପାଇଁ ମିଆଗି ପ୍ରଦେଶର ସେଣ୍ଡାଇରେ ପହଞ୍ଚିଥିଲେ ମୋଦୀ  ।  ଜାପାନର ପ୍ରଧାନମନ୍ତ୍ରୀ ଶିଗେରୁ ଇଶିବା ମଧ୍ୟ ତାଙ୍କ ସହ ଉପସ୍ଥିତ ଥିଲେ  ।   ଏହି ସମୟରେ ଭାରତୀୟ ଡ୍ରାଇଭରମାନଙ୍କୁ ମଧ୍ୟ ଭେଟିଥିଲେ  ।  ଜାପାନର ପୂର୍ବ ରେଳବାଇ ସେମାନଙ୍କୁ ତାଲିମ ଦେଉଛି ।  ସେମାନେ ଭାରତରେ ଚାଲିବାକୁ ଥିବା ବୁଲେଟ୍ ଟ୍ରେନ୍ ଚଲାଇବେ । 

Advertisment

ଗତକାଲି ମୋଦୀ ୧୫ତମ ଭାରତ-ଜାପାନ ଶିଖର ସମ୍ମିଳନୀରେ ସାମିଲ ହୋଇଥିଲେ। ଏହି ସମୟରେ ଦୁଇ ଦେଶ ମଧ୍ୟରେ ୧୫୦ଟି ଚୁକ୍ତି ସ୍ୱାକ୍ଷରିତ ହୋଇଥିଲା ।  ଜାପାନ ପ୍ରଧାନମନ୍ତ୍ରୀ ଆଗାମୀ ୧୦ ବର୍ଷ ମଧ୍ୟରେ ଭାରତରେ ୬ ଲକ୍ଷ କୋଟି ଟଙ୍କା ନିବେଶ କରିବା ବିଷୟରେ କଥା ହୋଇଥିଲେ। ଜାପାନ ପରେ ମୋଦୀ ଦୁଇ ଦିନିଆ ଚୀନ ଗସ୍ତରେ ଯିବେ ।  ସେ ରବିବାର ଏସ୍‌ସିଓ ସମ୍ମିଳନୀରେ ଯୋଗଦେବେ  ।  ଏହା ବ୍ୟତୀତ ମୋଦୀ ଚୀନ ରାଷ୍ଟ୍ରପତି ଜିନପିଙ୍ଗ ଏବଂ ରୁଷ ରାଷ୍ଟ୍ରପତି ପୁଟିନଙ୍କୁ ଭେଟିବେ ।