ମାଲବାହୀ ଟ୍ରେନ ସହ ଧକ୍କା ହେଲା ବାଗମତି ଏକ୍ସପ୍ରେସ୍ ଟ୍ରେନ୍ ; ବଗିରେ ଲାଗିଗଲା ନିଆଁ , ୧୯ ଯାତ୍ରୀ ଗୁରୁତର ଆହତ

କନକ ବ୍ୟୁରୋ: ମୈସୁରରୁ ଦରଭଙ୍ଗା ଯାଉଥିବା ବାଗମତି ଏକ୍ସପ୍ରେସ ଦୁର୍ଘଟଣାଗ୍ରସ୍ତ  । ଲାଇନଚ୍ୟୁତ ହୋଇ ଏକ ମାଲବାହୀ ଟ୍ରେନ ସହ ଧକ୍କା ହେବାରୁ ମାଲବାହୀ ଟ୍ରେନର ଏକାଧିକ ବଗିରେ ନିଆଁ ଲାଗିଗଲା । ଫଳରେ ୧୯ ଜଣ ଯାତ୍ରୀ ଆହତ ହୋଇଥିବା ସୂୂଚନା ରହିଛି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

ସୂଚନା ମୁତାବକ, ଶୁକ୍ରବାର ରାତି ପାଖାପାଖି ସା;ଢେ ୮ଟା ସମୟରେ ତାମିଲନାଡୁରେ ଟ୍ରେନ ନମ୍ବର ୧୨୫୭୮ ମୈସୁର- ଦରଭଙ୍ଗା ଏକ୍ସପ୍ରେସ୍ ଏକ ମାଲବାହୀ ଗାଡି ସହ ଧକ୍କା ହୋଇଥିଲା  । ଫଳରେ ଏକ୍ସପ୍ରେସ୍ ଟ୍ରେନର ଦୁଇଟି ବଗିରେ ନିଆଁ ଲାଗିଛି। ଟ୍ରେନର ୧୨ରୁ ୧୩ଟି ବଗି ଲାଇନଚ୍ୟୁତ ହୋଇଛି ।  ଘଟଣାଟି କାୱରାଇପେଟେଇ ରେଳ ଷ୍ଟେସନ ନିକଟରେ ଘଟିଛି। ଦୁର୍ଘଟଣାରେ ୧୯ ଜଣ ଆହତ ହୋଇଛନ୍ତି । ଧକ୍କା ବେଳେ ଟ୍ରେନର ଗତି କେତେ ଥିଲା, ସେ ନେଇ କୌଣସି ସୂଚନା ମିଳିନାହିଁ। ତେବେ ତୁରନ୍ତ ରେଳ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି ।