କନକ ବ୍ୟୁରୋ: ମଙ୍ଗଳବାର ରାତି ଅଧରେ ରକ୍ତ ରଂଜିତ ହେଲା ଭୁବନେଶ୍ୱର ଉପକଣ୍ଠ ବାଲିଅନ୍ତା ଗଡଭିଙ୍ଗାରପୁର ଗାଁ । ଇଟାମାଟିକୁ ଚୋରାରେ ମାଟି ଚାଲାଣ କରୁଥିବା ବେଳେ ହାତାହାତି ପରିସ୍ଥିତି ଉପୁଜି ଥିଲା । ମାଟି ଚୋରିକୁ ବିରୋଧ କରିବାରୁ ୩ ଜଣ ଯୁବକଙ୍କୁ ହାଣି ଦେଲେ ମାଟି ମାଫିଆ । ଏହାସହ ସମସ୍ତଙ୍କୁ ହାଇୱା ଚଢାଇ ମାରିବାକୁ ଉଦ୍ୟମ କରିଛନ୍ତି ମାଫିଆମାନେ । ଗଡଭିଙ୍ଗାରପୁର ଗାଁର  ୩ ଜଣଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ଚୋରାରେ ମାଟି ଚାଲାଣ ହେଉଥିବା ଦେଖିବା ପରେ ଏହି ଯୁବକମାନେ ଏହାକୁ ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ମାଫିଆ ସେମାନଙ୍କୁ ଜୀବନରୁ ମାରିଦେବାକୁ ଉଦ୍ୟମ କରିଥିଲେ । ତେବେ ଘଟଣାସ୍ଥଳରେ ଗାଁର ଲୋକ ଏକାଠି ହୋଇଯାଇଥିଲେ, ଫଳରେ ଏହି ୩ ଜଣ ଅଳ୍ପକେ ରକ୍ଷା ପାଇଯାଇଛନ୍ତି । ଏହାକୁ ନେଇ ପୁଲିସର ତଦନ୍ତ ଆରମ୍ଭ ହୋଇଛି । 

Advertisment

ଗାଁର ଲୋକମାନେ ୩ ଜଣ ମାଫିଆଙ୍କୁ କାବୁ କରିଥିବାବେଳେ ଘଟଣାସ୍ଥଳରେ ପହଞ୍ଚିି ଥିଲା ପୁଲିସ । ଏହାପୂର୍ବରୁ ମଧ୍ୟ ଜିତିକାର ସୁଆଁଲୋ ମୌଜା ଚିତ୍ତଳେଶ୍ବର ମନ୍ଦିର ନିକଟରୁ ମାଟି ଚୋରା ଚାଲାଣ ହେଉଥିବା ଅଭିଯୋଗ ହୋଇଛି । ଇଟାଭାଟି ଗୁଡିକୁ ବେଆଇନ ଭାବେ ମାଟି ଚାଲାଣ କରାଯାଉଥିବା ବେଳେ ଗାଁର ଲୋକ ଏହାର ବିରୋଧ କରିଆସୁଥିଲେ ।