କାରକୁ ପିଟିଲା ବସ୍; ମା’, ଝିଅ ଗୁରୁତର

କନକ ବ୍ୟୁରୋ: ରାଜଧାନୀରେ ପୁଣି ସଡ଼କ ଦୁର୍ଘଟଣା । କାର କୁ ପିଟିଲା ବସ୍ ମା, ଝିଅ ଗୁରୁତର । ସିଆରପି ଛକରେ ଏଭଳି ଦୁର୍ଘଟଣା ଦେଖିବାକୁ ମିଳିଛି । 
ସିଆରପି ପଟୁ ଡିଏଭି ଆଡ଼କୁ ଏକ କାର ଯାଉଥିବା ବେଳେ ଜୟଦେବବିହାର ପଟୁ ବରମୁଣ୍ଡାକୁ ଯାଉଥିବା ଏକ ବସ ଧକ୍କା ଦେଇଥିଲେ । କାରଟି ଜଣେ ମହିଳା ଚଳାଉଥିବା ବେଳେ ଗାଡ଼ିରେ ତାଙ୍କ ଝିଅ ମଧ୍ୟ ବସିଥିଲେ । ଦୁର୍ଘଟଣାରେ ଉଭୟ ମା ଓ ଝିଅ ଆହତ ହୋଇଛନ୍ତି । ଖବର ପାଇଁ ନୟାପଲ୍ଲୀ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମା, ଝିଅଙ୍କୁ ମେଡ଼ିକାଲ ପଠାଇବା ସହ ଦୁର୍ଘଟଣାର ତଦନ୍ତ ଆରମ୍ଭ କରିଛନ୍ତି।