କନକ ବ୍ୟୁରୋ: ଦହିବରା ଖାଇ ୨୫ରୁ ଅଧିକ ଲୋକ ଝାଡ଼ାବାନ୍ତିରେ ଆକ୍ରାନ୍ତ। କେନ୍ଦୁଝର ଆନନ୍ଦପୁର ଉପଖଣ୍ଡ ସମଣା ପଞ୍ଚାୟତର ସମଣା, ବାହାରିପୁର, ଚାପୁଣ୍ଡିଆ ଗ୍ରାମରେ ଦହିବରା ଖାଇ ୨୫ରୁ ଅଧିକ ଲୋକ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି । ସେମାନଙ୍କୁ ଗତକାଲିଠାରୁ ଡାକ୍ତରଖାନରେ ଭର୍ତ୍ତି ହୋଇଛନ୍ତି । ଗାଁ ଗାଁ ବୁଲି ବିକ୍ରି କରୁଥିବା ଦହିବରା ବାଲାଠାରୁ ଦହିବରା ଖାଇ ଏପରି ଝାଡ଼ାବାନ୍ତିର ଶିକାର ହୋଇଛନ୍ତି । ଗତକାଲି ଶାଳଣିଆ ଓ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଥିବା ଆକ୍ରାନ୍ତଙ୍କ ମଧ୍ୟରୁ ୭ଜଣ ସୁସ୍ଥ ହୋଇ ଫେରିଥିବା ବେଳେ ଆହୁରି ୧୮ଜଣ ଡାକ୍ତରଖାନରେ ଚିକିତ୍ସିତ ହେଉଥିବା ଜଣାଯାଇଛି ।

Advertisment

କଟକ ବାଙ୍କୀରେ ପୁଣିଥରେ ବ୍ୟାପିଲା ଡ଼ାଇରିଆ । ଝାଡାବାନ୍ତିରେ ୮ରୁ ଅଧିକ ଆକ୍ରାନ୍ତ ସୂଚନା । ଆକ୍ରାନ୍ତମାନଙ୍କୁ ବାଙ୍କୀ ମେଡିକାଲରେ ଭର୍ତ୍ତି କରାଯାଇଛି । ଏହି ଆକ୍ରାନ୍ତମାନେ ସ୍ଥାନୀୟ କିଆପଲା, ବ୍ରହ୍ମପୁରା, ନରଗାଙ୍ଗ ଓ ବିଲିପଡ଼ା ଗାଁର ବୋଲି ଜଣାପଡିଛି । ଆକ୍ରାନ୍ତ ମାନେ ଗତକାଲି ସନ୍ଧ୍ୟାରୁ ମେଡିକାଲରେ ଭର୍ତ୍ତି ହୋଇଛନ୍ତି । ଏବେବି ସେମାନଙ୍କର ଚିକିତ୍ସା ଜାରି ରହିଥିବା ବେଳେ ଧିରେ ଧିରେ ସ୍ୱାସ୍ଥ୍ୟବସ୍ଥା ଭଲ ହେଉଛି ବୋଲି ମେଡିକାଲ କର୍ତ୍ତୃପକ୍ଷ ସୂଚନା ଦେଇଛନ୍ତି ।