କନକ ବ୍ୟୁରୋ: ସରକାରୀ ଯୋଗାଣ ବ୍ୟବସ୍ଥାରେ ବଡ଼ ସଂସ୍କାର ପାଇଁ ଅଣ୍ଟା ଭିଡ଼ିଛନ୍ତି ମୋହନ ସରକାର। ଏହି କ୍ରମରେ ସ୍ବଚ୍ଛତା ପାଇଁ ଇ-କେୱାଇସି ଅପଡେଟ କରାଯାଉଛି। କିନ୍ତୁ ଗରିବଙ୍କ ହକ୍ ବାଟମାରଣା କରୁଥିବା ଅଧିକାରୀଙ୍କୁ ଛଡ଼ାଯିବନି ବୋଲି ସ୍ପଷ୍ଟ ସନ୍ଦେଶ ଦିଆଯାଇଛି। ସରକାର କହିଛନ୍ତି, ୧୩୩ ଯୋଗାଣ ଅଫିସରଙ୍କ ଉପରେ ନଜର ରହିଛି।   

Advertisment

ଚାଉଳ ବାଟମାରଣା, ରାସନ କାର୍ଡ ଦୁର୍ନୀତିକୁ ନେଇ ଉଠୁଛିପଡୁଛି ଓଡିଶା । ଭୂତ ହିତାଧିକାରୀଙ୍କୁ ନେଇ ଆକ୍ସନମୋଡକୁ ଆସିଛନ୍ତି ସରକାର । ସ୍ବଚ୍ଛତା ଆଣିବାକୁ ଇ-କେୱାଇସି ପାଇଁ ବି ନିର୍ଦ୍ଦେଶ ଦିଆଯାଇଛି । କିନ୍ତୁ ଯେଉଁମାନେ ଏଭଳି ଦୁର୍ନୀତିକୁ ପ୍ରଶୟ ଦେଇଥିଲେ, ଗରିବଙ୍କ ଚାଉଳ ଓ ରାସନ ସାମଗ୍ରାକୁ ବାଟମାରଣା କରୁଥିଲେ ସେମାନଙ୍କ ନିଦ ହଜାଇ କଡା ସନ୍ଦେଶ ଦେଇଛନ୍ତି  ନୂଆ ସରକାର। ଶତାଧିକ ଦୁର୍ନୀତିଗ୍ରସ୍ତ ଅଧିକାରୀଙ୍କ ତାଲିକା ଜାରି କରିଛନ୍ତି ସରକାର । ବିଧାନସଭାରେ ବିଧାୟକ ପ୍ରଶାନ୍ତ ବେହେରାଙ୍କ ଏକ ଲିଖିତ ପ୍ରଶ୍ନରେ  ଖାଦ୍ୟ ଯୋଗାଣ  ଓ ଖାଉଟି କଲ୍ୟାଣ ମନ୍ତ୍ରୀ କହିଛନ୍ତି,

-୩ ବର୍ଷରେ ୭୪ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି
-ସେଥିମଧ୍ୟରୁ ୫୯ ଅଧିକାରୀଙ୍କ ବିରୋଧରେ ଆରମ୍ଭ ହୋଇଥିବା କାର୍ଯ୍ୟାନୁଷ୍ଠାନ ବିଚାରାଧୀନ ଅଛି 

ମୁଖ୍ୟମନ୍ତ୍ରୀ ମୋହନ ମାଝି କହିସାରିଛନ୍ତି, ଦୁର୍ନୀଗସ୍ତ ଅଫିସରଙ୍କୁ ନିସ୍ତାର ନାହିଁ । ପ୍ରତ୍ୟେକ ଦିନ କିଏ ନା କିଏ ସରକାରୀ ଅଧିକାରୀ ଭିଜିଲାନ୍ସ ଜାଲରେ ପଡୁଛନ୍ତି । ଯୋଗାଣ ବିଭାଗର ଦୁର୍ନୀତିଗ୍ରସ୍ତ ଅଧିକାରୀଙ୍କୁ ନେଇ ମୁହାଁମୁହିଁ ହୋଇଛନ୍ତି ବିଜେଡି-ବିଜେପି । 

ଯେହେତୁ ହିତାଧିକାରୀଙ୍କ ପାଖକୁ ଯାଉଥିବା ସାମଗ୍ରୀର  ସିଂହଭାଗ ଏହି ଯୋଗାଣ ବିଭାଗ ଅଧିନରେ ଆସୁଛି, ତେଣୁ ବିଭାଗର ଅନେକ ଅଧିକାରୀ ଦୁର୍ନୀତି କରିବାକୁ ପଛାଉନାହାନ୍ତି । ଆଉ ମୋହନ ସରକାରଙ୍କ କାର୍ୟ୍ୟାନୁଷ୍ଠାନ ପାଇଁ ଚେତାବନୀ ପରେ ଦୁର୍ନୀତିଖୋର ଅଧିକାରୀଙ୍କ ମନରେ ଛନକା ପଶିଛି ।