କନକବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରୀୟ ସ୍ୱୟଂସେବକ ସଂଘ ଆରଏସଏସର ୧୦୦ ବର୍ଷ ପୂର୍ତ୍ତି ଅବସରରେ ଏହାକୁ ବିଶ୍ୱର ସବୁଠାରୁ ବଡ଼ ଏନଜିଓ ବୋଲି ପ୍ରଶଂସା କରିଛନ୍ତି ।   ମୋଦୀ କହିଛନ୍ତି, ଆରଏସଏସର ୧୦୦ ବର୍ଷର ଇତିହାସ ଉତ୍ସର୍ଗ ଓ ସେବାରେ ପରିପୂର୍ଣ୍ଣ । କିନ୍ତୁ, ପ୍ରଧାନମନ୍ତ୍ରୀଙ୍କ   ଏହି ବୟାନକୁ ନେଇ ସମାଜବାଦୀ ପାର୍ଟି ଓ କଂଗ୍ରେସ ତୀବ୍ର ବିରୋଧ ପ୍ରକାଶ କରିଛନ୍ତି  ।  ବିପକ୍ଷ ଦଳମାନେ ଏହାକୁ ରାଜନୈତିକ ଚାଲ ବୋଲି ଅଭିଯୋଗ କରିଛନ୍ତି ।   ବିରୋଧୀ କହିଛନ୍ତି, ପ୍ରଧାନମନ୍ତ୍ରୀଙ୍କ ଏହି ମନ୍ତବ୍ୟ ଆରଏସଏସର ଏଜେଣ୍ଡାକୁ ପ୍ରୋତ୍ସାହନ ଦେବାର ଏକ ପ୍ରୟାସ ।  ସପା ନେତା ଅଖିଳେଶ ଯାଦବ ଓ କଂଗ୍ରେସ ନେତୃତ୍ୱ ଏହାକୁ ରାଜନୈତିକ ଉଦ୍ଦେଶ୍ୟରେ ଆରଏସଏସକୁ ମହିମାମଣ୍ଡିତ କରିବାର ଅଭିଯୋଗ କରିଛନ୍ତି ।