ଦୀପାବଳିରେ ମୋଦୀ ଦେବେ ବଡ଼ ଉପହାର :  ଦୁଇଗୁଣ ଉପହାର ପାଇବେ ଲୋକେ

କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦୀ ଆଜି ଲାଲକିଲ୍ଲାରୁ ଏକ ବଡ଼ ଘୋଷଣା କରିଛନ୍ତି । ଦୀପାବଳିରେ ଦେଶବାସୀଙ୍କୁ ଏକ ବଡ଼ ଉପହାର ଦେବା ନେଇ ଘୋଷଣା କହିଛନ୍ତି । ଏଥର ଲୋକମାନେ ଦୁଇଗୁଣ ଦୀପାବଳି ଉପହାର ପାଇବେ ବୋଲି ମୋଦୀ କହିଛନ୍ତି । ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଗତ ୮ ବର୍ଷ ମଧ୍ୟରେ ଆମେ GSTରେ ଏକ ବଡ଼ ସଂସ୍କାର କରିଛୁ । ଆମେ ସାରା ଦେଶରେ ଟିକସ ବୋଝ ହ୍ରାସ କରିଛୁ ।  

ଆଉ ଏବେ ପୁଣି ଟିକସ କମାଇବା ଉପରେ ଚିନ୍ତା କରୁଛୁ । ଏନେଇ ଏକ ଉଚ୍ଚ କ୍ଷମତାସମ୍ପନ୍ନ ସମୀକ୍ଷା କମିଟି ଗଠନ କରି ସମୀକ୍ଷା ଆରମ୍ଭ କରିଛୁ । ଆମେ ରାଜ୍ୟଗୁଡ଼ିକ ସହିତ ମଧ୍ୟ ପରାମର୍ଶ କରିଛୁ । ଆମେ ପରବର୍ତ୍ତୀ ପିଢ଼ିର GST ସଂସ୍କାର ଆଣୁଛୁ । ଏହି ଦୀପାବଳିରେ ଏହା ଆପଣଙ୍କ ପାଇଁ ଏକ ଉପହାର ହେବ । ସାଧାରଣ ଲୋକଙ୍କ ଆବଶ୍ୟକତା ଉପରେ ଟିକସ ବହୁ ପରିମାଣରେ ହ୍ରାସ ପାଇବ ।  MSME, କ୍ଷୁଦ୍ର ଶିଳ୍ପଗୁଡ଼ିକୁ ଏକ ବଡ଼ ଲାଭ ମିଳିବ ଏବଂ ଦୈନନ୍ଦିନ ଜିନିଷଗୁଡ଼ିକ ବହୁତ ଶସ୍ତା ହୋଇଯିବ । ଏଥିରୁ ଅର୍ଥନୀତିକୁ ମଧ୍ୟ ଏକ ନୂତନ ପ୍ରୋତ୍ସାହନ ମିଳିବ ।'