ଆସୁନି ମୋବାଇଲ ନେଟୱାର୍କ ; ପାହାଡ଼ ଉପରେ ଚଢ଼ି ଅନଲାଇନ୍ ପାଠ ପଢ଼ୁଛନ୍ତି ଛାତ୍ରଛାତ୍ରୀ

କନକ ବ୍ୟୁରୋ: ଗୋଟିଏ ପଟେ ସରକାର ଡିଜିଟାଲ ସେବା ଯୋଗାଉଛନ୍ତି । ଆଉ ଅନ୍ୟପଟେ ନେଟୱର୍କ ସୁବିଧାରୁ ବଞ୍ଚିତ ହୋଇ ରହିଛି ଅନେକ ପଞ୍ଚାୟତ । ଅନ୍‌ଲାଇନ ପାଠପଢ଼ା ହେଉ କି ଜରୁରୀ କାଳୀନ ସେବା ସବୁଥିରୁ ବଞ୍ଚିତ ହୋଇରହୁଛନ୍ତି । ମୋବାଇଲ ଅଛି କିନ୍ତୁ କୌଣସି କାର୍ଯ୍ୟରେ ଆସୁନାହିଁ । ୫ ରୁ ୬ କିଲୋମିଟର ଚାଲିଲେ ନେଟୱର୍କ ଆସୁଛି । ଗଜପତି ଜିଲ୍ଲା ମୋହନା ବ୍ଲକର ୩୯ଟି ପଞ୍ଚାୟତରୁ ଅଧିକାଂଶ ପଞ୍ଚାୟତ ବାସିନ୍ଦା ଏହି ସମସ୍ୟା ଭୋଗୁଛନ୍ତି । ଏନେଇ ଅଭିଯୋଗ କଲେ ବି କେହି ଶୁଣୁନଥିବା ଅଭିଯୋଗ ଆସିଛି  । ଏନେଇ ମୋହନା ବିଡିଓ ରାଜୀବ ଦାସଙ୍କୁ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲେ ମଧ୍ୟ ତାହା ସମ୍ଭବ ହୋଇପାରିନାହିଁ ।