ଯୁବକଙ୍କ ନିଖୋଜ ଘଟଣା : ମୁଣ୍ତଳୀରୁ ଉଦ୍ଧାର ହେଲା ଯୁବକଙ୍କ ମୃତଦେହ

କନକବ୍ୟୁରୋ : ମୁଣ୍ଡୁଳି ବ୍ରିଜ ଉପରୁ ଡେଇଁ ନିଖୋଜ ଯୁବକଙ୍କ ମିଳିଲା ମୃତଦେହ । ଯୁବକ ଜଣଙ୍କ ହେଲେ ଢେଙ୍କାନାଳ ଜିଲ୍ଲା ଗଁଅଦିଆ ଅଂଚଳର ପୀତବାସ ରାଉତଙ୍କ ପୁଅ ତାରିଣୀ ପ୍ରସାଦ ରାଉତ । ତାଙ୍କ ବୟସ ୩୪ବର୍ଷ  ।  ସେ ଗତକାଲି ରାତିରେ ମୁଣ୍ଡଳୀ ବ୍ୟାରେଜ୍ ଉପରେ ନିଜର ପଲସର ଗାଡି ରଖି ମହାନଦୀକୁ ଡେଇଁ ନିଖୋଜ ହୋଇଥିଲେ  ।

ଗତକାଲି ଖୋଜାଖୋଜି ପରେ ତାଙ୍କ ପତା ମିଳି ନଥିଲା  ।  ଆଜି ସକାଳେ ନଈରେ ସ୍ଥାନୀୟ ଲୋକ ମୃତ ଦେହ ଭାସୁଥିବା ଦେଖି ପୋଲିସକୁ ଖବର ଦେଇଥିଲେ  ।  ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି ।  ଏହାସହ ତାଙ୍କ ପରିବାରକୁ ମଧ୍ୟ ଖବର ଦିଆଯାଇଛି। ତେବେ କାହିଁକି ମହାନଦୀକୁ ଡେଇଁ ତାରିଣୀ ପ୍ରସାଦ ଆତ୍ମହତ୍ୟା କରିଛନ୍ତି ସେନେଇ କୌଣସି ସୂଚନା ମିଳିନାହିଁ ।