ପୁଣି ଅଶାନ୍ତ ଦିଲ୍ଲୀ ; ନାବାଳକକୁ ଛୁରି ଭୁସି ହତ୍ୟା

କନକ ବ୍ୟୁରୋ: ପୁଣି ଅଶାନ୍ତ ରାଜଧାନୀ ଦିଲ୍ଲୀ । ଉତ୍ତର-ପୂର୍ବ ଦିଲ୍ଲୀର ସିଲମପୁରରେ ଜଣେ ନାବାଳକକୁ ଛୁରି ଭୁସି ହତ୍ୟା କରାଯିବା ପରେ ଅଞ୍ଚଳରେ ଉତ୍ତେଜନା ଦେଖାଦେଇଛି । ପରିସ୍ଥିତି ନିୟନ୍ତ୍ରଣ ପାଇଁ  ଗଳିଗନ୍ଦିରେ ସୁରକ୍ଷାକର୍ମୀଙ୍କୁ ନିୟୋଜିତ କରାଯାଇଛି । ଅନ୍ୟପଟେ ବିଳମ୍ବିତ ରାତିରୁ ମୃତକଙ୍କ ପରିବାର ସଦସ୍ୟ ଏବଂ ସ୍ଥାନୀୟ ଲୋକଙ୍କ ପ୍ରତିବାଦ ଜାରି ରହିଛି । ପ୍ରତିବାଦରେ ସାମିଲ ଥିବା ଲୋକମାନେ ଅଭିଯୁକ୍ତଙ୍କ ପାଇଁ ମୃତ୍ୟୁଦଣ୍ଡ ଦାବି କରୁଛନ୍ତି ।

ସିଲମପୁରରେ ବିରୋଧ ପ୍ରଦର୍ଶନ ମଧ୍ୟରେ, ହିନ୍ଦୁମାନଙ୍କୁ ସ୍ଥାନାନ୍ତର କରିବାକୁ ଦାବି କରୁଥିବା ପୋଷ୍ଟର ମଧ୍ୟ ଲଗାଯାଇଛି । ପ୍ରତିବାଦରେ ସାମିଲ ଥିବା ଲୋକମାନେ ହତ୍ୟାକାରୀଙ୍କ ପାଇଁ ମୃତ୍ୟୁଦଣ୍ଡ ଦାବି କରୁଛନ୍ତି । ଲୋକମାନେ ସମଗ୍ର ଅଞ୍ଚଳରେ ନିଜ ଘର ବାହାରେ ହାତଲେଖା ପୋଷ୍ଟର ଲଗାଇଛନ୍ତି । ପୁସ୍ତିକାରେ ଲେଖାଯାଇଛି ଯେ ଏହି ଅଞ୍ଚଳରୁ ହିନ୍ଦୁମାନେ ସ୍ଥାନାନ୍ତରିତ ହେଉଛନ୍ତି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କୁ ସୁରକ୍ଷା ପାଇଁ ଗୁହାରି କରିଛନ୍ତି ହିନ୍ଦୁ ସମ୍ପ୍ରଦାୟ।  

ଗୁରୁବାର ସନ୍ଧ୍ୟାରେ ଉତ୍ତର-ପୂର୍ବ ଦିଲ୍ଲୀର ସିଲମପୁରର ଜେ-ବ୍ଲକରେ ଜଣେ ୧୭ ବର୍ଷୀୟ ବାଳକକୁ ନିର୍ମମ ଭାବରେ ଛୁରି ଭୁସି ହତ୍ୟା କରାଯାଇଥିଲା । ମୃତକଙ୍କ ନାମ କୁନାଲ, ସେ ସେହି ଅଞ୍ଚଳର ବାସିନ୍ଦା ରାଜବୀରଙ୍କ ପୁଅ। ଗୁରୁବାର ସନ୍ଧ୍ୟା ପ୍ରାୟ ୭ ଟା ୩୮ ସମୟରେ ନାବାଳକ ଉପରେ ଆକ୍ରମଣ ହୋଇଥିବା ଜଣାପଡିଛି, ହେଲେ ଅଭିଯୁକ୍ତ ବାବଦରେ କୌଣସି ଠୋସ୍ ପ୍ରମାଣ ମିଳିନାହିଁ ।