କନକ ବ୍ୟୁରୋ: ଶସ୍ତା ହେଲା କ୍ଷୀର ଦାମ । ମଙ୍ଗଳବାର ମଦର ଡାଏରି ନିଜର କ୍ଷୀରର ମୂଲ୍ୟ ହ୍ରାସ କରିଛି, ଯାହା ଗ୍ରାହକମାନଙ୍କୁ ଆଶ୍ୱସ୍ତି ଦେଇଛି । ତେବେ ସେପ୍ଟେମ୍ବର ୨୨ ତାରିଖରୁ ନୂତନ GST ହାର ଲାଗୁ ହେବାକୁ ଯାଉଛି, କିନ୍ତୁ ଏହା ପୂର୍ବରୁ ମଧ୍ୟ କମ୍ପାନି ଏହାର ପ୍ୟାକେଜ୍ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ପର୍ଯ୍ୟନ୍ତ ହ୍ରାସ କରିଛି । ମଦର ଡାଏରି ଏହାର ୧ ଲିଟର ଟେଟ୍ରା ପ୍ୟାକ୍ କ୍ଷୀରର ମୂଲ୍ୟ ୭୭ ଟଙ୍କାରୁ ୭୫ ଟଙ୍କାକୁ ହ୍ରାସ କରିଛି । ଏହା ବ୍ୟତୀତ ଘିଅ ଏବଂ ପନିର ସମେତ ଅନ୍ୟାନ୍ୟ ସାମଗ୍ରୀର ମୂଲ୍ୟ ମଧ୍ୟ ହ୍ରାସ ପାଇଛି ।

Advertisment

ଆପଣ ଭଲ ଭାବେ ଜାଣିଥିବେ ଯେ, ସରକାର ସେପ୍ଟେମ୍ବର ୩ ରେ GST ସଂସ୍କାର ନେଇ ଘୋଷଣା କରିଥିଲେ ଏବଂ ସମସ୍ତ ଅତ୍ୟାବଶ୍ୟକ ସାମଗ୍ରୀ ଉପରେ ଟିକସ ହ୍ରାସ ସମ୍ପର୍କରେ ସୂଚନା ଦେଇଥିଲେ । ଅର୍ଥମନ୍ତ୍ରୀ କହିଥିଲେ ଯେ, ନୂତନ ଏଝଞ ହାର ୨୨ ସେପ୍ଟେମ୍ବରରୁ ଲାଗୁ ହେବ ଏବଂ କ୍ଷୀର, ପନିର ଠାରୁ ଆରମ୍ଭ କରି ଏସି, ଟିଭି ପର୍ଯ୍ୟନ୍ତ ସବୁକିଛି ଶସ୍ତା ହୋଇଯିବ । ଏହା କାର୍ଯ୍ୟକାରୀ ହେବା ପୂର୍ବରୁ ମଧ୍ୟ, ମଦର ଡାଏରି ଏହାର କ୍ଷୀର ଉତ୍ପାଦର ମୂଲ୍ୟ ହ୍ରାସ କରିଛି । 

କମ୍ପାନି ଦ୍ୱାରା କ୍ଷୀର ମୂଲ୍ୟ ହ୍ରାସ କରାଯିବା ପରେ ଏବେ ୪୫୦ ଗ୍ରାମର ପ୍ୟାକେଟ୍  ୩୩ ଟଙ୍କା ବଦଳରେ ୩୨ ଟଙ୍କାରେ ମିଳିବ । ଏହା ବ୍ୟତୀତ କମ୍ପାନିର ସମସ୍ତ ସ୍ୱାଦର ୧୮୦ ଗ୍ରାମର ମିଲ୍କସେକ୍ ପ୍ୟାକର ମୂଲ୍ୟ ମଧ୍ୟ ୩୦ ଟଙ୍କାରୁ ୨୮ ଟଙ୍କାକୁ ହ୍ରାସ କରାଯାଇଛି । ସେହିପରି  ୨୦୦ ଗ୍ରାମ ପନିର ପ୍ୟାକେଟର ମୂଲ୍ୟ ଏବେ ୯୫ ଟଙ୍କା ବଦଳରେ ୯୨ ଟଙ୍କା ହେବ । ଏହା ବ୍ୟତୀତ ୪୦୦ ଗ୍ରାମ ପନିର ପ୍ୟାକେଟର ମୂଲ୍ୟ ଏବେ ୧୮୦ ଟଙ୍କା ବଦଳରେ ୧୭୪ ଟଙ୍କା ହେବ । 

ମଦର ଡେରୀ ଦ୍ୱାରା ମୂଲ୍ୟ ହ୍ରାସ ପରେ, ଗ୍ରାହକମାନେ ଏବେ ଏହି କମ୍ପାନୀର ବଟର ଏବଂ ଘିଅ ଶସ୍ତାରେ ପାଇବେ । ୫୦୦ ଗ୍ରାମ ବଟର ୩୦୫ ଟଙ୍କା ବଦଳରେ ୨୮୫ ଟଙ୍କାରେ ଉପଲବ୍ଧ ହେବ, ଯେତେବେଳେ ୧୦୦ ଗ୍ରାମ ବଟର ଟିକ୍କି ୬୨ ଟଙ୍କା ବଦଳରେ ୫୮ ଟଙ୍କାରେ ଉପଲବ୍ଧ ହେବ । ଯଦି ଆମେ ଘିଅର ମୂଲ୍ୟ ହ୍ରାସ ଉପରେ ନଜର ପକାଇବା, ତେବେ ୧ ଲିଟର କାର୍ଟୁନ ପ୍ୟାକର ମୂଲ୍ୟ ୬୭୫ ଟଙ୍କାରୁ ୬୪୫ ଟଙ୍କାକୁ ହ୍ରାସ କରାଯାଇଛି, ଯେତେବେଳେ ୫୦୦ ମିଲି ପ୍ୟାକ ୩୪୫ ଟଙ୍କାରୁ ୩୩୦ ଟଙ୍କାକୁ ହ୍ରାସ ପାଇଛି । ୧ ଲିଟର ଟିନ୍ ପ୍ୟାକ ଘିଅର ମୂଲ୍ୟ ୩୦ ଟଙ୍କା ପ୍ରତି ଲିଟର ହ୍ରାସ ପାଇଛି ଏବଂ ଏହା ୭୫୦ ଟଙ୍କାରୁ ୭୨୦ ଟଙ୍କାକୁ ହ୍ରାସ ପାଇଛି । 

ଆଇସକ୍ରିମ ମଧ୍ୟ ଶସ୍ତା !

କେବଳ କ୍ଷୀର, ପନିର, ବଟର ଏବଂ ଘିଅର ମୂଲ୍ୟ ହ୍ରାସ କରାଯାଇ ନାହିଁ, ବରଂ ମଦର ଡାଏରି ଆଇସକ୍ରିମର ମୂଲ୍ୟ ମଧ୍ୟ ହ୍ରାସ କରିଛି । ଦର ହ୍ରାସ ପରେ, କମ୍ପାନିର ୪୫ ଗ୍ରାମ ଆଇସ୍ କ୍ୟାଣ୍ଡି, ୫୦ ମିଲି ଭାନିଲା କପ୍, ୩୦ ମିଲି ଚକୋବାରର ମୂଲ୍ୟ ୧୦ ଟଙ୍କାରୁ ୯ ଟଙ୍କାକୁ ହ୍ରାସ ପାଇଛି । ୧୦୦ ମିଲି ଚକୋ ଭାନିଲା ଏବଂ ବଟରସ୍କଚ୍ କୋନର ମୂଲ୍ୟ ଯଥାକ୍ରମେ ୩୦ ଟଙ୍କାରୁ ୨୫ ଟଙ୍କା ଏବଂ ୩୫ ଟଙ୍କାରୁ ୩୦ ଟଙ୍କାକୁ ହ୍ରାସ ପାଇଛି ।