ସ୍ତ୍ରୀଙ୍କ ପରି ପୁରୁଷଙ୍କୁ ବି ବ୍ରେଷ୍ଟ କ୍ୟାନ୍ସର ବିପଦ ; ପ୍ରତି ୧୦୦ ଜଣରେ ୪ ଜଣ ସଂକ୍ରମିତ

କନକ ବ୍ୟୁରୋ : ସମସ୍ତଙ୍କ ମନରେ ଗୋଟେ ଧାରଣା ବ୍ରେଷ୍ଟ କ୍ୟାନ୍ସର ମହିଳାଙ୍କୁ ହୁଏ । ହେଲେ ଖୁବ୍ କମ୍ ଜାଣିଥିବେ ଯେ, ପୁରୁଷଙ୍କୁ ବି ହେଉଛି ବ୍ରେଷ୍ଟ କ୍ୟାନ୍ସର । ଏନେଇ ବିଦେଶର ବିଭିନ୍ନ କ୍ଲିନିକାଲ ରିସର୍ଚ୍ଚ ସେଣ୍ଟର ସହ ବିହାର ଏମ୍ସର ଅନକୋଲୋଜିଷ୍ଟ ମଧ୍ୟ ଚେତାଇଛନ୍ତି । ଭୋପାଳ AIIMSର ବିଶେଷଜ୍ଞଙ୍କ କହିବା କଥା,  ଆଜିକାଲି ପୁରୁଷଙ୍କଠାରେ ମହିଳା ହରମୋନ୍ ବଢ଼ୁଛି । ଫଳରେ ମହିଳାଙ୍କ ପରି ପୁରୁଷଙ୍କଠାରେ ମଧ୍ୟ ସ୍ତନ କର୍କଟ ଦେଖାଯାଉଛି । ପୂର୍ବରୁ ପ୍ରତି ୧୦୦ ଜଣରେ ଜଣେ ପୁରୁଷଙ୍କୁ ବ୍ରେଷ୍ଟ କ୍ୟାନ୍ସର ହେଉଥିବାବେଳେ ଆଜିକା ଦିନରେ ପ୍ରତି ୧୦୦ଜଣରେ ୪ଜଣଙ୍କଠାରେ ଏହି ସମସ୍ୟା  ଦେଖାଦେଉଛି । ବିଦେଶରେ ଏହି ସଂଖ୍ୟା ଅଧିକ ଥିବାବେଳେ ଯଦିଓ ଭାରତରେ ଏହା ଖୁବ୍ କମ୍ କିନ୍ତୁ ଆଧୁନିକ ଯୁଗର ଜୀବନଶୈଳୀ ଭାରତରେ ବି ଏହି ସମସ୍ୟାକୁ ବୃଦ୍ଧି କରିପାରେ ବୋଲି ବିଶେଷଜ୍ଞ କହିଛନ୍ତି । ମହିଳାଙ୍କ ଅପେକ୍ଷା ପୁରୁଷଙ୍କଠାରେ ବ୍ରେଷ୍ଟ କ୍ୟାନ୍ସର ସମସ୍ୟା ହେଲେ ସହଜରେ ଜଣାପଡ଼େ । 

ପୁରୁଷଙ୍କ କ୍ଷେତ୍ରରେ ହେଉଥିବା ବ୍ରେଷ୍ଟ କ୍ୟାନସର ଲକ୍ଷଣ

-ଛାତିରେ ଗଣ୍ଠି ଭଳି ଲାଗିବା  
-ଛାତିର ଚର୍ମ ମଳିନ ଦେଖାଯିବା
-ଛାତି ପାଖରେ ଚର୍ମ ଲାଲ ଦେଖାଯିବା
-ଛାତି ଦରଜ ଲାଗିବା

ଅଧିକ ପଢ଼ନ୍ତୁ--ପୁଲିସ ଏସଆଇ ନିଯୁକ୍ତି କେଳେଙ୍କାରୀ ମାମଲା, ଗ୍ରାଉଣ୍ଡରେ ପହଞ୍ଚି ସିବିଆଇ ଟିମର ତନାଘନା

ଏଭଳି ସମସ୍ୟା ଦେଖାଗଲେ ତୁରନ୍ତ ଡାକ୍ତରଙ୍କ ପରାମର୍ଶ କରନ୍ତୁ । ଆରମ୍ଭରୁ ଚିକିତ୍ସା କଲେ ଆରେଗ୍ୟ ହୋଇଯିବାର ସମ୍ଭାବନା ଥିବାବେଳେ ଡେରି କଲେ ଏହା ବିପଦ ଆଡ଼କୁ ନେଇଯିବ । ମହିଳାଙ୍କ ବ୍ରେଷ୍ଟ କ୍ୟାନ୍ସର ଚିକିତ୍ସା ପରି ପୁରୁଷଙ୍କ ବ୍ରେଷ୍ଟ କ୍ୟାନ୍ସରର ଚିକିତ୍ସା ହୁଏ । ତେବେ ଆଶ୍ବସ୍ତିକର କଥା ହେଉଛି ମହିଳାଙ୍କ ଅପେକ୍ଷା ପୁରୁଷଙ୍କଠାରେ ବ୍ରେଷ୍ଟ କ୍ୟାନ୍ସର ହୋଇଥିବା ଶୀଘ୍ର ଓ ସହଜରେ ଜଣାପଡ଼େ ଏବଂ ଭଲ ହୋଇଯିବାର ଅଧିକ ସମ୍ଭାବନା ଥାଏ । ତେଣୁ ଡାକ୍ତରଙ୍କ ପରାମର୍ଶ କରିବା ସହ ନିଜ ଜୀବନ ଶୈଳୀକୁ ସଠିକ କରିବା ଏଥିରୁ ରକ୍ଷା ପାବାର ଏକମାତ୍ର ବାଟ  ।