ମେଘନାଦ ପାଚେରୀ ଫାଟ :ଖବର ପ୍ରକାଶ ପରେ ତତ୍ପର ପ୍ରଶାସନ । ଖୁବଶିଘ୍ର ମରାମତି ନେଇ ଆଇନମନ୍ତ୍ରୀଙ୍କ ସୂଚନା

କନକବ୍ୟୁରୋ : ଜୋର ଧରିଲା ମେଘନାଦ ପାଚେରି ସୁରକ୍ଷା ଚିନ୍ତା। ମେଘନାଦ ପାଚେରିରେ ଫାଟ ନେଇ ଖବର ପ୍ରସାରଣ ହେବା ପରେ ଶିଉଳି ଛଡାଇ ଫାଟ ଯୋଡା କାମ ଆରମ୍ଭ ହୋଇଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଶିଉଳି ଛଡାଯାଇଛି । ଖୁବ୍ ଶୀଘ୍ର ଆନନ୍ଦ ବଜାର ନାଳ ସଫେଇ ସହ ମରାମତି କରାଯିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଛି । 

ଶ୍ରୀମନ୍ଦିରକୁ ସୁରକ୍ଷା ଯୋଗାଉଥିବା ମେଘନାଚ ପାଚେରି ନିଜେ ଅସୁରକ୍ଷିତ । ପାଣି ଝରି ଖାଲି ଫାଟ ମେଳୁନାହିଁ, ଫାଟ ସଂଖ୍ୟା ମଧ୍ୟ ବଢି ଚାଲିଛି । ମେଘନାଦ ପାଚେରିର ଦୂରବସ୍ଥା ନେଇ ଖବର ପ୍ରସାରଣ ପରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । ଏନେଇ ଆଇନ ମନ୍ତ୍ରୀ କହିଛନ୍ତି ଏଏସ୍ଆଇ ବୈଷୟିକ ଟିମ୍ ସ୍ଥିତି ଦେଖିଛନ୍ତି । ଖୁବ୍ ଶୀଘ୍ର ମରାମତି କରାଯିବ ।