କନକ ବ୍ୟୁରୋ : ସମ୍ବଲପୁରରେ ଆୟୋଜିତ ହୋଇଛି ପଦଯାତ୍ରା । ‘ଆସ ସ୍କୁଲ ଯିବା’ ନାଁରେ ଏହି ପଦଯାତ୍ରା ସମ୍ବଲପୁର ରିଜର୍ଭ ପୋଲିସ ପଡିଆରୁ ବାହାରି ଗଙ୍ଗାଧର ମେହେର ବିଶ୍ୱବିଦ୍ୟାଳୟ ପର୍ଯ୍ୟନ୍ତ  ଯାଇଥିଲା । ଏଥିରେ ଶହ ଶହ ଛାତ୍ରଛାତ୍ରୀ, ଶିକ୍ଷକ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ  କେନ୍ଦ୍ର ଶିକ୍ଷମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସାମିଲ ହୋଇଛନ୍ତି । ଜିଏମ ବିଶ୍ୱବିଦ୍ୟାଳୟ ଅଡିଟୋରିୟମରେ ଆୟୋଜିତ ସଭାରେ ସ୍କୁଲ ଯିବା ପାଇଁ ଏବଂ ଡ୍ରପଆଉଟ ସଂଖ୍ୟା କମାଇବା ପାଇଁ ପିଲାଙ୍କୁ ଆହ୍ୱାନ ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ଶେଷରେ ଛାତ୍ରଛାତ୍ରୀଙ୍କ ସହ ନାଚିଥିଲେ ଓ ତାଙ୍କୁ ଉତ୍ସାହିତ କରିଥିଲେ । ଅଧାରୁ ପାଠ ଛାଡୁଥିବା, ଆଦୌ ନାମ ଲେଖାଉନଥିବା ଏବଂ ବିଦ୍ୟାଳୟ ବାହାରେ ଥିବା ପିଲାମାନଙ୍କୁ ଶିକ୍ଷାର ମୁଖ୍ୟସ୍ରୋତରେ ସାମିଲ କରିବା ପାଇଁ ରାଜ୍ୟବ୍ୟାପୀ ଏହି ଅଭିଯାନ ଆରମ୍ଭ କରାଯାଇଛି । ସମ୍ବଲପୁର ଜିଲ୍ଲାରେ ପ୍ରାୟ ୧ ଲକ୍ଷ ୬ ହଜାର ପିଲା ପାଠ ପଢୁଥିବା ବେଳେ ୩ ହଜାର ପିଲା ସ୍କୁଲ ଯାଉନଥିବା କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ରଙ୍କ ସହ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ ମଧ୍ୟ ଯୋଗ ଦେଇଛନ୍ତି ।