ସ୍କୁଲରେ ଭୟଙ୍କର ଅଗ୍ନିକାଣ୍ଡ ; ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ

କନକ ବ୍ୟୁରୋ: ଶ୍ରୀନଗରରେ ବଡ ଧରଣର ଅଗ୍ନିକାଣ୍ଡ । ସ୍କୁଲରେ ଲାଗିଲା ନିଆଁ । ହୁତୁହୁତୁ ହୋଇ ଜଳିଲା ବିଲ୍ଡିଂ । ଶ୍ରୀନଗରର ରାଜବାଗରେ ଥିବା ମୁସଲିମ ପବ୍ଲିକ ସ୍କୁଲରେ ନିଆଁ ଲାଗିଛି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସ୍କୁଲର ଝରକା ଭାଙ୍ଗି ପିଲାଙ୍କୁ ଉଦ୍ଧାର କରିଛି । ୩ ମହଲା ବିଶିଷ୍ଟ ସ୍କୁଲ ବିଲ୍ଡିଂରେ ନିଆଁକୁ ଆୟତ୍ତ କରିବାକୁ ନାକେଦମ ହୋଇଛି ଅଗ୍ନିଶମ ବାହିନୀ । କେହି ଛାତ୍ରଛାତ୍ରୀ କାଳେ ସ୍କୁଲ ଭିତରେ ଫଶି ରହିଥିବେ ସେଥିପାଇଁ ଅଗ୍ନିଶମ କର୍ମଚାରୀ ତନ୍ନ ତନ୍ନ କରି ସ୍କୁଲ ବିଲ୍ଡିଂକୁ ଯାଞ୍ଚ କରିଛନ୍ତି । ତେବେ କେଉଁ କାରଣରୁ ନିଆଁ ଲାଗିଛି ତାହା ଏବେ ଯାଏଁ ସ୍ପଷ୍ଟ ହୋଇନାହିଁ ।