କନକ ବ୍ୟୁରୋ : ଦୁନିଆରେ ଏପରି ଅନେକ ବ୍ୟକ୍ତି ଅଛନ୍ତି ଯେଉଁମାନେ ଖୁବ୍ କମ୍ ବୟସରେ ସଫଳତା ପାଇବା ସହ କୋଟିପତି ହୋଇଛନ୍ତି  । ସେମାନଙ୍କ ମଧ୍ୟରୁ କେତେକ ନିଜ ପରିଶ୍ରମ ଏବଂ ନିଷ୍ଠା ବଳରେ ନୂଆ କମ୍ପାନି ସ୍ଥାପନ କରିଥିବାବେଳେ, ଆଉ କେତେକଙ୍କୁ ଉତ୍ତରାଧିକାର ସୂତ୍ରରେ ବିପୁଳ ସମ୍ପତ୍ତି ମିଳିଛି । ଜାଣନ୍ତୁ ସବୁଠାରୁ କମ୍ ବୟସରେ କୋଟିପତି ହୋଇଥିବା କିଛି ପ୍ରମୁଖ ବ୍ୟକ୍ତିଙ୍କ ନାଁ ।

Advertisment

ନିଜ ପରିଶ୍ରମରେ ହୋଇଥିବା ସବୁଠୁ କମ୍ ବୟସର କୋଟିପତି

ମାର୍କ ଜୁକରବର୍ଗ : ଫେସବୁକ୍‌ର (ମେଟା) ସହ-ପ୍ରତିଷ୍ଠାତା ମାର୍କ ଜୁକରବର୍ଗ ମାତ୍ର ୨୩ ବର୍ଷ ବୟସରେ ନିଜ ପରିଶ୍ରମରେ କୋଟିପତି ହୋଇପାରିଥିଲେ । ୨୦୦୪ ମସିହାରେ ହାୱାର୍ଡ ବିଶ୍ୱବିଦ୍ୟାଳୟରେ ପଢୁଥିବା ସମୟରେ ସେ ନିଜ ସାଙ୍ଗମାନଙ୍କ ସହିତ ମିଶି ଫେସବୁକ୍‌ ଆରମ୍ଭ କରିଥିଲେ । ତାଙ୍କୁ ଇତିହାସର ସବୁଠାରୁ କମ୍ ବୟସର ସେଲ୍ଫ-ମେଡ୍ କୋଟିପତି ଭାବେ ବିବେଚନା କରାଯାଏ । 

ଇଭାନ୍ ସ୍ପିଗେଲ୍ : ସୋସିଆଲ ମିଡିଆ ଆପ୍ ସ୍ନାପଚାଟର ସହ-ପ୍ରତିଷ୍ଠାତା ଇଭାନ୍ ସ୍ପିଗେଲ୍ ମାତ୍ର ୨୫ ବର୍ଷ ବୟସରେ ସଫଳତା ପାଇବା ସହ କୋଟିପତି ହୋଇଥିଲେ।

ଗୌତମ ଆଦାନୀ : କମ୍ ବୟସରେ କୋଟିପତିଙ୍କ ତାଲିକାରେ ସାମିଲ ହୋଇଥିବା ଦିଗଜ୍ଜଙ୍କ  ମଧ୍ୟରେ ଭାରତ ପକ୍ଷରୁ ଆଦାନୀ ଗ୍ରୁପର ଚେୟାରମ୍ୟାନ୍ ଗୌତମ ଆଦାନୀ ଅଛନ୍ତି । ସେ ୪୬ ବର୍ଷ ବୟସରେ କୋଟିପତି ହୋଇଥିଲେ ଏବଂ ଏହାପରେ ତାଙ୍କ ସମ୍ପତ୍ତିରେ କ୍ରମାଗତ ବୃଦ୍ଧି ଦେଖିବାକୁ ମିଳିଛି । 
ଆଦାନୀଙ୍କର ୧୦ଟି କମ୍ପାନୀ ସେୟାର ବଜାରରେ ତାଲିକାଭୁକ୍ତ ହୋଇଛି । ସେ ବର୍ତ୍ତମାନ ବିଶ୍ୱର ଶ୍ରେଷ୍ଠ ଧନୀଙ୍କ ମଧ୍ୟରେ ସାମିଲ ଅଛନ୍ତି ଏବଂ ତାଙ୍କର ମୋଟ ସମ୍ପତ୍ତି ପ୍ରାୟ ୭୬.୫ ବିଲିୟନ ଡଲାର ।