କନକ ବ୍ୟୁରୋ: ମରାଠା ସମ୍ପ୍ରଦାୟ ପାଇଁ ସଂରକ୍ଷଣ ଦାବି କରୁଥିବା ମନୋଜ ଜରଙ୍ଗେ ଆଜି ମୁମ୍ବାଇର ଆଜାଦ ମୈଦାନରେ ଉପବାସ ଆରମ୍ଭ କରିବେ  ।  ଜାଲନା ଜିଲ୍ଲାର ଆନ୍ତରବାଲି ସାରତି ଗ୍ରାମରୁ ୨୬ ତାରିଖରୁ ଆରମ୍ଭ ହୋଇଥିବା ଏହି ଆନ୍ଦୋଳନ ମୁମ୍ବାଇରେ ପହଞ୍ଚିଛି । ଶତାଧିକ ସମର୍ଥକଙ୍କ ସହିତ ଜରଙ୍ଗେ ମୁମ୍ବାଇରେ ପହଞ୍ଚିଛନ୍ତି । ପ୍ରତିବାଦ ପୂର୍ବରୁ ମୁମ୍ବାଇରେ ନିରାପତ୍ତା ବଢ଼ାଇଛି  । 

Advertisment

୧,୫୦୦ରୁ ଅଧିକ ପୁଲିସ କର୍ମୀ, ସିଆରପିଏଫ୍, ଆରଏଏଫ୍, ସିଆଇଏସ୍ଏଫ୍ ବାହିନୀ ଆଜାଦ ମୈଦାନରେ ମୁତୟନ ଅଛନ୍ତି । ଶିବାଜୀ ମହାରାଜ ଟର୍ମିନସ ରେ ବି ନିରାପତ୍ତା ବଢ଼ାଇଛନ୍ତି, କାରଣ ମହାରାଷ୍ଟ୍ରର ବିଭିନ୍ନ ଅଞ୍ଚଳରୁ ସମର୍ଥକ ଆସୁଛନ୍ତି । ଟ୍ରାଫିକ୍ ପୁଲିସ୍ ମୁମ୍ବାଇ-ପୁଣେ ଏକ୍ସପ୍ରେସ୍ୱେ ଓ ସିୟନ-ପନ୍ବେଲ୍ ହାଇୱେରେ ସଂଘର୍ଷ ହେବାକୁ ଦେଖି ପ୍ରତିବନ୍ଧକ ଲଗାଇଛନ୍ତି । ବିଭିନ୍ନ ରୁଟରେ ଡାଇଭର୍ସନ୍ କରାଯାଇଛି । ମହାରାଷ୍ଟ୍ର ସରକାର ଏହି ଆନ୍ଦୋଳନକୁ ଗଣେଶ ଉତ୍ସବ ସମୟରେ ବାଧା ନଦେବାକୁ ଆହ୍ୱାନ ଦେଇଛନ୍ତି, କିନ୍ତୁ ଜରଙ୍ଗେ କହିଛନ୍ତି , ଏହା ଶାନ୍ତିପୂର୍ଣ୍ଣ ରହିବ ।

ମୁଖ୍ୟ ଦାବି ହେଉଛି ମରାଠା ସମ୍ପ୍ରଦାୟକୁ କୁନବି ଜାତି ଭାବରେ ମାନ୍ୟତା ଦିଆଯାଉ ।
 ଯାହାକୁ ଅନ୍ୟାନ୍ୟ ପଛୁଆ ବର୍ଗ ଓବିସିରେ ଅନ୍ତର୍ଭୁକ୍ତ କରାଯାଇଛି ।
ଜରାଙ୍ଗେ କହିଛନ୍ତି, ସମର୍ଥକମାନେ ଶାନ୍ତିପୂର୍ଣ୍ଣ ଭାବରେ ପ୍ରତିବାଦ କରିବେ ଏବଂ ଗଣେଶ ।
ମହୋତ୍ସବରେ କୌଣସି ବାଧା ସୃଷ୍ଟି କରିବେ ନାହିଁ ।
ସମସ୍ତ ମରାଠାଙ୍କୁ କୁନବି ଭାବରେ ମାନ୍ୟତା ଦିଆଯିବା ଉଚିତ ।
 କୁନବି ହେଉଛି ଚାଷୀ ଶ୍ରେଣୀର ଏକ ଜାତି, ଯାହା ଓବିସି ବର୍ଗରେ ଅନ୍ତର୍ଭୁକ୍ତ ।
ଯାହା ଫଳରେ ସେମାନେ ସରକାରୀ ଚାକିରି ଏବଂ ଶିକ୍ଷାରେ ସଂରକ୍ଷଣର ଲାଭ ପାଇବେ ।
ପୁଲିସ ସର୍ତ୍ତ ରଖିଛି, ପ୍ରଦର୍ଶନକାରୀଙ୍କ କେବଳ ପାଞ୍ଚଟି ଗାଡ଼ି ଆଜାଦ ମଇଦାନକୁ ଯାଇପାରିବ ।
ପ୍ରଦର୍ଶନକାରୀଙ୍କ ସଂଖ୍ୟା ୫,୦୦୦ ରୁ ଅଧିକ ହେବା ଉଚିତ୍ ନୁହେଁ ।
 ଆଇନ ଶୃଙ୍ଖଳା ବଜାୟ ରଖିବା ପାଇଁ ମୁମ୍ବାଇ ପୋଲିସ ଆଜାଦ ମଇଦାନରେ ୧୫୦୦ ପୁଲିସଙ୍କୁ ମୁତୟନ କରିଛି ।