ସ୍ନାନଯାତ୍ରା: ଶ୍ରୀକ୍ଷେତ୍ରରେ ଭକ୍ତଙ୍କ ମେଳି , ଜାଣନ୍ତୁ ଆଜି କ’ଣ ଖାଇବ ଜଗା ?

କନକବ୍ୟୁରୋ : ପବିତ୍ର ଦେବସ୍ନାନ ପୂର୍ଣ୍ଣିମା ଅବସରରେ ବୁଧବାର ଶ୍ରୀକ୍ଷେତ୍ର ଚଳଚଞ୍ଚଳ ହୋଇ ଉଠିଛି। ଶ୍ରୀମନ୍ଦିର ସ୍ନାନବେଦୀରେ ମହାପ୍ରଭୁଙ୍କ ସ୍ନାନଯାତ୍ରା ଅନୁଷ୍ଠିତ ହେବ । ଚତୁର୍ଦ୍ଧାମୂର୍ତ୍ତି ରତ୍ନବେଦୀରୁ ସ୍ନାନବେଦୀକୁ ଆସି ଭକ୍ତଙ୍କୁ ହାତୀବେଶରେ ଦର୍ଶନ ଦେବେ । ସୁନା କୂଅର ୧୦୮ ଗରା ସୁବାସିତ ଜଳରେ ସ୍ନାନ ସାରିବା ପରେ ବଡ଼ଠାକୁର ପ୍ରଭୁ ବଳଭଦ୍ର, ମହାପ୍ରଭୁ ଶ୍ରୀଜଗନ୍ନାଥ ଓ ମା’ ସୁଭଦ୍ରାଙ୍କୁ ଭକ୍ତମାନେ ହାତୀବେଶରେ ଦର୍ଶନ କରିବେ । 

ଏହି ଅପୂର୍ବ ବେଶକୁ ଦର୍ଶନ କରି ଭକ୍ତମାନେ ନିଜକୁ ଧନ୍ୟ ମନେ କରିବେ। ଏହି ସମୟ ପାଖେଇ ଆସୁଥିବାରୁ ଭକ୍ତମାନଙ୍କ ମନରେ ଉତ୍କଣ୍ଠା ଭରି ଉଠୁଛି। ଶ୍ରୀକ୍ଷେତ୍ରରେ ପ୍ରବଳ ଜନଗହଳି ଦେଖାଯାଇଥିବା ବେଳେ ବଡ଼ଦାଣ୍ଡ ଆଧ୍ୟାତ୍ମିକ ପରିବେଶରେ ଉଛୁଳି ପଡୁଛି ।  ଆଜି ମହାପ୍ରଭୁଙ୍କ ଆବିର୍ଭାବର ଦିବସ । ଆଜି କେତେ ଫୁଲ ପତ୍ରରେ ସଜେଇ ହେଉଛନ୍ତି ଠାକୁରେ । ଯେତେ ଯାହା ଦେଲେ ବି ତାକୁ ନିଅଣ୍ଟ ପଡ଼େ । ହେଲେ ଗୋଟିଏ ଫୁଲରେ ବି ସେ ସନ୍ତୁଷ୍ଟ ହୁଅନ୍ତି । ସେ କେତେବେଳେ ବିଶ୍ବର ହେବା ପାଇଁ କଣ୍ଟିଲୋର ସେ ବଣ ପାହାଡ଼ ଘେରା ଗୁମ୍ଫାରୁ ବାହାରି ଆସନ୍ତି ପୁଣି ଜଣେ ଭକ୍ତର ହେବା ପାଇଁ କେବେ ଗୋଟେ ପର୍ଣ୍ଣ କୁଡ଼ିଆରେ ଆବିର୍ଭାବ ହୁଅନ୍ତି । 

ଦେଖିବାକୁ ସାଧାରଣ ହୋଇପାରେ, କିନ୍ତୁ ସେ ସାଧାରଣ ମଣିଷ ଭିତରେ ଅମାପ ଶ୍ରଦ୍ଧା, ନିଜକୁ ତାଙ୍କ ପାଖରେ ଅନାୟାସରେ ବାଢ଼ିଦେବାର ଇଚ୍ଛା ଏହା ହିଁ ତ ସମର୍ପଣ । ଏହି ଶ୍ରଦ୍ଧାରୁ ପ୍ରେମର ଜାତ । ଏହି ପ୍ରେମରୁ ସୃଷ୍ଟି ଆସକ୍ତି । ଏ ଆସକ୍ତି କିନ୍ତୁ ବନ୍ଧନର ନୁହେଁ ବରଂ ମୁକ୍ତିର । ଭକ୍ତ ମୁକ୍ତି ଚାହେନା କିନ୍ତୁ ଅଜାଣତରେ ସବୁ କାର୍ମିକ, ସାଂସରିକ ବନ୍ଧନରୁ ମୁକ୍ତ ହୋଇ ଦିବ୍ୟ ବନ୍ଧନରେ ବାନ୍ଧି ହୋଇଯାଏ । ଏଇ ତ ଭକ୍ତି , ବିଷ୍ଣୁ ଯିଏ ବଦ୍ରିକାରେ ସ୍ନାନ କରନ୍ତି, ଦ୍ବାରକାରେ ବେଶ ହୁଅନ୍ତି ପୁଣି ରାମେଶ୍ବରମ୍ ଧାମରେ ଶୟନ କରନ୍ତି କିନ୍ତୁ ଏ ହେଉଛି ଏକ ମାତ୍ର କ୍ଷେତ୍ର ଯାହା ମହାପ୍ରଭୁଙ୍କ ଐଶ୍ବର୍ଯ୍ୟର କ୍ଷେତ୍ର , ଭୋଗର କ୍ଷେତ୍ର, କର୍ମର କ୍ଷେତ୍ର  ।  ଏଠି ଭୋଗ କହିଲେ ଯାହା କେହି ଗ୍ରହଣ କରେ । ଏଠି ମହାପ୍ରଭୁ ଭକ୍ତର ସବୁ ଭାବ, ଭୋଗ ଗ୍ରହଣ କରନ୍ତି । ସେଇଥିପାଇଁ ତ ଏ କ୍ଷେତ୍ର ହେଉଛି ପରମପାବନ ପୁରୁଷୋତ୍ତମ ଶ୍ରୀକ୍ଷେତ୍ର । 

ଏଥିସହ ଆଜିର ଦିନରେ ଏଥିସହ ଆଜି ବିଭିନ୍ନ ଉପଚାର ବିଧି  ସ୍ନାନବେଦିରେ କରାଯିବ ସ୍ନାନ ପୂର୍ଣ୍ଣିମା ପୂର୍ବଦିନ ସାଧାରଣ ଦିନପରି ଶ୍ରୀମନ୍ଦିରରେ କବାଟଫିଟା, ପାହାନ୍ତିଆ ଅବକାଶ, ଗୋପାଳବଲ୍ଲଭ,ସକାଳଧୂପ, ଦ୍ୱିପ୍ରହରଧୂପ ଆଦି ସମସ୍ତ ନୀତିର ସମାପନ ପରେ ସ୍ୱଳ୍ପସମୟ ପାଇଁ ପହୁଡ଼ ହୁଏ ଓ ପରେ ପରେ ସ୍ନାନ ପୂର୍ଣ୍ଣିମାର ବିଧି ଆରମ୍ଭ ହେଇଯାଏ । ଏହିଦିନ କୋଠ ସିଆଁସିଆ ମନ୍ଦିରରେ ପ୍ରବେଶ କରନ୍ତି ଓ ପହଣ୍ଡି ପାଇଁ ଚାରମାଳ ବାନ୍ଧନ୍ତି l ପ୍ରଭୁଙ୍କର ସେନାପଟା ଓ ବାହୁଟିନାଗି ହୁଏ । ରତ୍ନ ସିଂହାସନ ଉପରେ ମଙ୍ଗଳାର୍ପଣ କରାଯାଏ ।  

ଆଜିର ଦିନରେ ପ୍ରଭୁଙ୍କ ପାଖରେ ସମସ୍ତ ଭୋଗ ଲାଗି କରାଯାଏ , ଏ ସମସ୍ତ ଭୋଗ ପ୍ରସ୍ତୁତ ହୋଇସାରିବା ପରେ ସ୍ନାନ ମଣ୍ତପକୁ ଅଣାଯାଏ  , ଏ ସମସ୍ତ ଭୋଗ ର ନାମ  ବଡ଼କାନ୍ତି , ସାନକାନ୍ତି , ଏଣ୍ଡୁରି , ପିଠା ପୁଳି , ମିଠା ପୁଳି ,  ଦହି ଅମାଲୁ , ହଂସକେଳି , କାକପୁଆ ଝିଲ୍ଲି ,  ଅଦା ପାଚେଡ଼ି ,  ବୁନ୍ଦିଆ ,  ବଡ଼ କଣିଆ ସାନ କଣିଆ , ତଥା ଖେଚୁଡ଼ି , ନୁଖୁରା ଖେଚୁଡ଼ି ,  ସାନ ଖେଚୁଡ଼ି ,  ଶ୍ରୀ ବଳଭଦ୍ର ଖେଚୁଡ଼ି ,  ତୈଳ ଖେଚୁଡ଼ି , ମେଣ୍ଢା ମୁଣ୍ଡିଆ , ଶାଗ ,  ପୂଜାପଣ୍ଡାଙ୍କ ପାଇଁ ଚଣ୍ଡ , ମଧ୍ୟାହ୍ନ ଧୂପ ବା ଦିପହର ଧୂପ , (ମଧ୍ୟାହ୍ନ ୧୨.୩୦ରୁ ୧.୦୦) ଷୋଡ଼ଶପଚାର ବିଧିରେ ନୈବେଦ୍ୟ ଅର୍ପଣ କରାଯାଏ । ତୃତୀୟ ଅବକାଶ ପରେ ‘ଦିପହର ଧୂପ’ ନୈବେଦ୍ୟ ଅର୍ପଣ; ଦିପହର ଧୂପ ପରେ ଦିନ-ପହଡ଼ ।  

ଏଥିସହ  ବଡ଼ପିଠା  ବଡ଼ କାକରା ,  ସାନକାକରା , ବଡ଼ ପୁଷ୍ପାଳକ ଆରିସା , ବଡ଼ ଆରିସା , ସାନ ଆରିସା  ପାଗ ଆରିସା , ବୋକ ଆରିସା , ମଥା ପୁଳି , ବଡ଼ ବଡ଼ , ଚଢ଼େଇ ନଦା , ଚଢ଼େଇନଦା ଗୁଳା , ସୁଆର ମନୋହର ,  ମନୋହର , ବଡ଼ ଖଇରଚୁଳ ସାନ ଖଇରଚୁଳ , ଗଜା ,  ବିରି ବଡ଼ି ,  ଥାଳି ଅନ୍ନ (ବଳଭଦ୍ରଙ୍କ ନିମନ୍ତେ): ୯ କୁଡୁଆ , ଥାଳି ଅନ୍ନ (ଜଗନ୍ନାଥଙ୍କ ନିମନ୍ତେ): ୪ କୁଡୁଆ ,  ଥାଳି ଅନ୍ନ (ସୁଭଦ୍ରାଙ୍କ ନିମନ୍ତେ): ୨ କୁଡୁଆ ,  ଥାଳି ଅନ୍ନ (ସୁଦର୍ଶନ ଚକ୍ରଙ୍କ ନିମନ୍ତେ): ୨ କୁଡୁଆ , ସାନ ଓଳି ଓରିଆ (ଅନ୍ନ): ୪ ଓଳି , ଭୋଗ ଓଡ଼ିଆ ବଡ଼: ୧୦ ଓଳି , ପୀତ ଅନ୍ନ: ୪ଓଳି ,  ମୁଗ ଡାଲି: ୪ ଓଳି ,  ସାନ ଓଳି ମରିଚି ପାଣି , ବଡ଼ ଓଳି ମରିଚି ପାଣି , ସାନମ୍ବ ,  ବଡ଼ ଖିରିସା ,  ଓଳି ବଡ଼ ଖିରିସା , ସୁବାସ ପଖାଳ ,  ଛେନା ପିଠା ,  ଶାକର , ପନକ ,   କଦମ୍ବ ହାଣ୍ଡି ,  ଝଣ୍ଡା ତଡ଼ା ,  ମରିଚୀ ଲଡ଼ୁ: ୫୦ ,  ଥାଳି ପକା ଢଉଳ , ତ୍ରିପୁରି ,  ସନ୍ଧ୍ୟା ଧୂପ (ତୃତୀୟ ଧୂପ) (ସନ୍ଧ୍ୟା ୭.୦୦ରୁ ୮.୦୦) ଜୟ ମଙ୍ଗଳ ଆରତି (ସନ୍ଧ୍ୟା ଆରତି) ପରେ ଏହା ଅର୍ପଣ କରାଯାଏ । ଚତୁର୍ଥ ଅବକାଶ ପରେ ‘ସଞ୍ଜଧୂପ’ ନୈବେଦ୍ୟ ଅର୍ପଣ  ।