ରାମ ନବମୀ ଶୋଭାଯାତ୍ରା ବେଳେ ଛୁରାମାଡ଼, ଜଣେ ଯୁବକ ଗୁରୁତର

କନକ ବ୍ୟୁରୋ: ରାମନବମୀ ବେଳେ ସୋରରେ ଜଣେ ଯୁବକଙ୍କୁ ଏକ ଧାରୁଆ ଛୁରାରେ ଆକ୍ରମଣ କରାଯାଇଛି । ସୂଚନା ଅନୁସାରେ ଆଜି ସୋରରେ ରାମ ନବମୀ ପାଳନ କରାଯାଉଥିବା ବେଳେ ବିଭିନ୍ନ ଅଞ୍ଚଳରୁ ଲୋକେ ସାମିଲ ହୋଇଥିଲେ । ରାଲିରେ ଆସିଥିବା ଚିତ୍ତଳ ଗ୍ରାମର ସନ୍ତୋଷ କୁମାର ସାହୁ ଅପରାହ୍ଣରେ କୋର୍ଟ ଛକ ନିକଟରେ ଛିଡା ହୋଇଥିବା ବେଳେ ୫ ଜଣ ଯୁବକ ଦୁଇଟି ବାଇକ ଓ ଗୋଟିଏ ସ୍କୁଟିରେ ଆସି ତାଙ୍କୁ ଅତର୍କିତ ଭାବେ ଆକ୍ରମଣ କରିଥିଲେ । ଏଥିରେ ସନ୍ତୋଷଙ୍କ ହାତ ମୁଣ୍ଡ ଓ ପିଠିରେ ଗୁରୁତର ଆଘାତ ଲାଗିଛି । ସ୍ଥାନୀୟ ଲୋକେ ସନ୍ତୋଷଙ୍କୁ ଉଦ୍ଧାର କରି ସୋର ଡାକ୍ତରଖାନାରେ ଭର୍ତ୍ତି କରାଇଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସଳୟକୁ ସ୍ଥାନାନ୍ତର କରାଯାଇଛି । ତେବେ କେଉଁ କାରଣରୁ ଛୁରାମାଡ଼ ହେଲା ତାହା ସ୍ପଷ୍ଟ ହୋଇନାହିଁ ।