କୋଭିଡରେ ପତ୍ନୀଙ୍କୁ ହରାଇଥିଲେ; ଏବେ ସ୍ମୃତିରେ ତିଆରି କଲେ ସିଲିକନ୍ ପ୍ରତିମୂର୍ତ୍ତି

କନକ ବ୍ୟୁରୋ : ପତ୍ନୀଙ୍କ ସ୍ମୃତିରେ ସିଲିକନ୍ ପ୍ରତିମୂର୍ତ୍ତି । କୋଭିଡରେ ପତ୍ନୀଙ୍କୁ ହରାଇଥିଲେ ବ୍ରହ୍ମପୁରର ପ୍ରଶାନ୍ତ ନାୟକ । ଆଉ ଏବେ ତାଙ୍କ ସ୍ମୃତିରେ ତିଆରି କରିଛନ୍ତି ସିଲିକନ ପ୍ରତିମୂର୍ତ୍ତି । ଏଥିପାଇଁ ଖର୍ଚ୍ଚ ହୋଇଛି ପ୍ରାୟ ୧୦ଲକ୍ଷ ଟଙ୍କା । ଏହି ପ୍ରତିମୂର୍ତ୍ତିକୁ ନିଜ ଘରେ ରଖିଛନ୍ତି ପ୍ରଶାନ୍ତ ।

ଭଲ ପାଇବାର ଉଦାହରଣ ଦେଇଛନ୍ତି ବ୍ରହ୍ମପୁରର ପ୍ରଶାନ୍ତ ନାୟକ । କୋଭିଡ ବେଳେ ପତ୍ନୀଙ୍କୁ ହରାଇ ମଧ୍ୟ ତାଙ୍କୁ ସିଲିକନ ପ୍ରତିମୂର୍ତ୍ତିରେ ଜୀବନ୍ତ ରଖିଛନ୍ତି ପ୍ରଶାନ୍ତ । କେବଳ ପ୍ରଶାନ୍ତ ନୁହନ୍ତି ପୂର୍ବରୁ ଅନେକ ଏଭଳି ଘଟଣା ସୋସିଆଲ ମିଡିଆରେ ଦେଖିବାକୁ ମିଳିଛି । ଯାହା ବେଶ ହୃଦୟସ୍ପର୍ଶୀ । କେଉଁଠି ପିତାର ପ୍ରତିମୂର୍ତ୍ତି ତିଆରି କରିଛି ଝିଅ ତ କେତେବେଳେ ମାଆର ପ୍ରତିମୂର୍ତ୍ତି ତିଆରି କରିଛି ପୁଅ । ହଜିଯାଇଥିବା ମଣିଷର ସ୍ମୃତିକୁ ସାଉଁଟିବା ପାଇଁ ଏହା ଏକ ନିଆରା ଉପାୟ ।