କନକ ବ୍ୟୁରୋ :  ଶବଘରେ ଠିକ୍‌ ପହଞ୍ଚିବା ପୂର୍ବରୁ  ଜିଇଁ ଉଠିଲେ ବ୍ୟକ୍ତି  ।  ଏପରି ଏକ ଆଶ୍ଚର୍ଯ୍ୟ  କଲାପରି  ଘଟଣା ଘଟିଛି  କେରଳରେ  । ସୂଚନାମୁତାବକ  ମୃତ ଭାବିକି ଜଣେ ବୟସ୍କ ବ୍ୟକ୍ତିଙ୍କୁ ଶବଘରକୁ ଅଣାଯାଥିଲା । ଶବଘରେ ପହଞ୍ଚିବା ପୂର୍ବରୁ ମୃତ ବ୍ୟକ୍ତିଙ୍କ ହୋସ୍‌ ଆସିଲା । ଉପସ୍ଥିତ ଥିବା ଲୋକେ ଏହା ଦେଖି ଆଶ୍ଚର୍ଯ୍ୟ । କନ୍ନୁର ଜିଲ୍ଲାର ପଚାପୋଇକାରେ ରହୁଥିବା  ୬୭ ବର୍ଷୀୟ ପବିତ୍ରାନ  ପୁଣି  ଜୀବିତ ହେବା ନେଇ ପରିବାର ଏବଂ ଅଞ୍ଚଳର ଲୋକମାନେ ଆଶ୍ଚର୍ଯ୍ୟ  । ଆଲୋଚନା ହେଉଛି  ଯେ ଚମତ୍କାର ଘଟିଲା ମରିଥିବା ଲୋକ ପୁଣି ଜିଇଁ ଉଠିଲା ।  
 ଆସନ୍ତୁ ଜାଣିବା ସମ୍ପୂର୍ଣ୍ଣ ଘଟଣା ବିଷୟରେ 

Advertisment

୬୭ ବର୍ଷୀୟ ପବିତ୍ରାନ ମୃତ୍ୟୁ ହୋଇସାରିଥିଲେ ।  ପରିବାର ତାଙ୍କର ଅନ୍ତିମ ସଂସ୍କାର ପାଇଁ ବ୍ୟବସ୍ଥା ମଧ୍ୟ କରିସାରିଥିଲେ ।  ଖାଲି ଏତିକି ନୁହେଁ ନ୍ୟୁଜ୍‌ ପେପରରେ ମଧ୍ୟ ପବିତ୍ରାନଙ୍କ ଶ୍ରଦ୍ଧାଞ୍ଜଳୀ ପ୍ରକାଶିତ ହୋଇସାରିଥିଲା । ଏହା ପଢିକି କିଛି ଲୋକ ମଧ୍ୟ ତାଙ୍କ ଘରେ ପହଞ୍ଚିଥିଲେ   ଶ୍ରଦ୍ଧାଞ୍ଜଳୀ ଜଣାଇବା ପାଇଁ ।  

ସେହିପରି ଏପଟେ  ଶବଘରେ  ଶବକୁ ରଖିବା ପାଇଁ  ଅସ୍ଥାୟୀ ଭାବେ  ଫ୍ରୀଜର  ବ୍ୟବସ୍ଥା ମଧ୍ୟ କରାଯାଇଥିଲା ।  କିନ୍ତୁ ଡେଡବଡିକୁ ଶବଘରକୁ ଠିକ ନେବା ପୂର୍ବରୁ ହସ୍ପିଟାଲର କର୍ମଚାରୀ ଦେଖ୍‌ଲେ ବ୍ୟକ୍ତିଙ୍କ ଆଙ୍ଗୁଠି  ହଲୁଛି ।  ତେଣୁ ତାଙ୍କୁ  ସାଙ୍ଗେ ସାଙ୍ଗେ ICU  କୁ ନିଆଯାଇଥିଲା ।    ସେ ଜୀବିତ ଥିବା  ବୋଲି ଡାକ୍ତର କହିଥିଲେ।