କବାଡ଼ି ଖେଳୁଥିବା ବେଳେ ହୃଦଘାତ । ଖେଳୁଖେଳୁ ଚାଲିଗଲା ଜୀବନ ।

କନକ ବ୍ୟୁରୋ: ଏମିତି ବି ଆସେ ମୃତ୍ୟୁ । କବାଡ଼ି ଖେଳିବା ବେଳେ ଚାଲିଗଲା ଖେଳାଳୀଙ୍କ ଜୀବନ । ନୂଆପଡ଼ାରେ କବାଡି ଖେଳିବା ବେଳେ ଏପରି ଏକ ଘଟଣା ସମସ୍ତଙ୍କୁ ଚକିତ କରିଛି । ନୂଆପଡ଼ା ଜିଲ୍ଲା କୋମନା ଥାନା ତରବୋଡ ଗାଁରେ କବାଡି ଖେଳ ଚାଲିଥିବା ବେଳେ ଖେଳାଳିଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକ ହେଲେ ଛତିଶଗଡ଼ର ମହାସମୁନ୍ଦ ଜିଲ୍ଲା ସରେଇପାଲି ଥାନା ଡୁଡୁମଚୂଆ ଗାଁର ୨୬ବର୍ଷୀୟ ଖଗେଶ୍ବର ରାଠିଆ ।  ଗାଁରେ କବାଡି ପ୍ରତିଯୋଗିତା ଚାଲିଥିବା ବେଳେ  କବାଡି ଖେଳୁଥ‌ିବା ଖଗେଶ୍ୱର ରାଠିଆ ହଠାତ୍ ଟଳି ପଡ଼ିଥିଲେ । ପରେ କମିଟି ଓ ଖେଳାଳିମାନେ ତୁରନ୍ତ ତାଙ୍କୁ ତରବୋଡ ଡାକ୍ତରଖାନାକୁ ନେଇଯାଇଥିଲେ । ହେଲେ ଅଧିକ ଗୁରୁତର ହେବାରୁ ନୂଆପଡ଼ା ଜିଲ୍ଲା ମୁଖ୍ୟ ଡାକ୍ତରଖାନାକୁ ନେଉଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।