"ସ୍ଥାନାନ୍ତର କର କାରାଗାର'

କନକ ବ୍ୟୁରୋ : ସହର ମଧ୍ୟରୁ ସ୍ଥାନାନ୍ତର କର କାରାଗାର। ଏପରି ଦାବି ଉଠିଛି ମାଲକାନଗିରି ଜିଲ୍ଲାରୁ । ମାଲକାନଗିରି ଜେଲ କତ୍ତୃପକ୍ଷ ଜେଲ ପାଖ ଆଖରେ ଥିବା ବସ୍ତି ବାସିନ୍ଦାଙ୍କୁ ଉଚ୍ଛେଦ ଲାଗି ପୌର ପରିଷଦକୁ ପତ୍ର ଲେଖିବା ପରେ ଜନବସତି ପୂର୍ଣ୍ଣ ଅଞ୍ଚଳରୁ ଜେଲକୁ ସ୍ଥାନାନ୍ତର କରିବା ଦାବି କରିଛନ୍ତି ମାଲକାନଗିରି ସହର ବାସିନ୍ଦା । ମାଲକାନଗିରି ସହରର ୩ ନଂ ୱାର୍ଡରେ ରହିଛି ଜିଲ୍ଲା କାରାଗାର । ରାଜ୍ୟର ବିଭିନ୍ନ ଜେଲରୁ କଏଦୀ ଚମ୍ପଟ ମାରିବା ଘଟଣା ପରେ ସାରା ରାଜ୍ୟରେ ଜେଲ ସୁରକ୍ଷା ଚିନ୍ତା ବଢିଛି । ଏହି କ୍ରମରେ ମାଲକାନନଗିରି ଜିଲ୍ଲା କାରାଗାର ପକ୍ଷରୁ ମଧ୍ୟ ଜେଲ ଚାରି ପଟେ ଥିବା ଘର ଦ୍ୱାରକୁ ଉଚ୍ଛେଦ କରିବା ଲାଗି ପୌର ପରିଷଧକୁ ଚିଠି ଲେଖିଛନ୍ତି ଜେଲ ଅଧିକ୍ଷକ । ଏହି ପତ୍ର ପରେ ମାଲକାନଗିରି ପୌର ପରିଷଧ ଅନ୍ତର୍ଗତ କୁମ୍ଭାର ସାହି ଓ ଜେଲ ଲାଇନ୍ ବସ୍ତି ବାସିନ୍ଦାଙ୍କ ମଧ୍ୟରେ ତିବ୍ର ପ୍ରତିକ୍ରୀୟା ପ୍ରକାଶ ପାଇଛି । ମାଲକାନଗିରି ପୌରାଧ୍ୟକ୍ଷ, କଂଗ୍ରେସ ନେତୃବୃନ୍ଦଙ୍କ ଓ ୩ ନଂ ୱାର୍ଡ ବାସିନ୍ଦାଙ୍କ ସମେତ ସହରର ଶତାଧିକ ଲୋକେ ତଥା ଦଳମତ ନିର୍ବିଶେଷରେ ଜିଲ୍ଲାପାଳଙ୍କୁ ଭେଟି ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟ ରେ ଦାବି ପତ୍ର ପ୍ରଦାନ କରିଛନ୍ତି । ଜିଲ୍ଲା କାରାଗାରକୁ ଅନ୍ୟତ୍ର ସ୍ଥାନାନ୍ତରିତ କରିବା ଲାଗି ଦାବି କରିଛନ୍ତି ମାଲକାନଗିରି ସହର ବାସିନ୍ଦା ।

Advertisment

ଅଧିକ ପଢ଼ନ୍ତୁ : ସରକାରୀ ଆବାସକୁ ମାଲକାନଗିରି ବଣ୍ଡାଙ୍କ ନା, କୋଠା ଘର କରିବାକୁ ଉଚିତ୍ ମଣୁନାହାନ୍ତି ଜନଜାତି ହିତାଧିକାରୀ

ଜେଲ ସ୍ଥାନାନ୍ତର ଦାବି

୧୯୬୦ ମସିହାରେ ମାଲକାନଗିରି ଉପ-କାରାଗାର ସ୍ଥାପିତ ହୋଇଥିଲା
କୋରାପୁଟ ଜିଲ୍ଲା ଅଧିନରେ ଏକ ଗ୍ରାମ ପଂଚାୟତ ଥିଲା ମାଲକାନଗିରି
୧୯୭୪ ମସିହାରେ ମାଲକାନଗିରି ବିଜ୍ଞାପିତ ଅଂଚଳ ପରିଷଦର ମାନ୍ୟତା ପାଇଥିଲା
୧୯୯୨ ରେ ମାଲକାନଗିରିକୁ ଏକ ସ୍ୱତନ୍ତ୍ର ଜିଲ୍ଲାର ମାନ୍ୟତା ମିଳି ଥିଲା
ଏହି କ୍ରମରେ ଜେଲ ଚାରିପଟେ ଜନବସତି ମଧ୍ୟ ବଢି ଚାଲିଛି
୨୦୨୩ ସେପ୍ଟେମ୍ବର ମାସରେ ଉପ-କାରାଗାରରୁ ଜିଲ୍ଲା କାରାଗାର ମାନ୍ୟତା ପାଇ ଥିଲା
୪୨୪ କ୍ଷମତା ବିଶିଷ୍ଟ ଉପ-କାରାଗାରର କ୍ଷମତା ବୃଦ୍ଧି ହୋଇ ୬୨୪ ହୋଇଛି ଜିଲ୍ଲା କାରାଗାରର କ୍ଷମତା
ଜେଲ ଚାରିପଟେ କୁମ୍ଭାର ସାହି ଓ ଜେଲ ଲାଇନ୍ ସାହିର ଜନବସତି ମଧ୍ୟ ବୃଦ୍ଧି ପାଇଛି
ଜେଲ ଅଧିକ୍ଷକଙ୍କ ପତ୍ର ସଙ୍ଖ୍ୟା ୪୭୧୨ କୁ ତିବ୍ର ବିରୋଧ
୨୦୨୩ ମସିହାରେ ଜାଗା ମିଶନ ରେ ଏଲଆରସି ବା ଲ୍ୟାଣ୍ଡ ରେକର୍ଡ ପଟ୍ଟା ପାଇଛନ୍ତି
କେବଳ ୱାର୍ଡ ନମ୍ବର ୩ ରେ ୨୬୬ ବସ୍ତି ବାସିନ୍ଦା ଏଲଆରସି ପଟ୍ଟା ପାଇଛନ୍ତି
ପ୍ରଧାନମନ୍ତ୍ରୀ ସହରୀ ଆବାସ ଯୋଜନାରେ ୧୨ ବସ୍ତି ବାସିନ୍ଦା କାର୍ଯ୍ୟାଦେଶ ପାଇ ଗୃହ ନିର୍ମାଣ ଜାରି ରଖିଛନ୍ତି
ଜି. ଜୟାଙ୍କ ଆବାସ ନିର୍ମାଣ କାମ ବନ୍ଦକୁ ବିରୋଧ
ଜେଲ ବାହାରି କାନ୍ଥ ସହ ଲାଗି ରହିଥିବାରୁ ବିବାଦ
ପୁର୍ବରୁ ଜେଲ କତ୍ତୃପକ୍ଷ ଜେଲ କାନ୍ଥ ବାଦେ ଆଉ ଏକ ସୁରକ୍ଷା ପାଚେରି ନିର୍ମାଣ କରି ସାରିଛି
ଜେଳର ବହୁ ଦୁର୍ଦ୍ଦାନ୍ତ ଅପରାଧି ଥିବାରୁ ଜେଲ ସ୍ଥାନାନ୍ତର ଦାବି
ମାଲକାନଗିରି ତହସିଲ ଅଧିନରେ ଥିବା ୭ଟି ପ୍ଲଟରେ ୧.୫ ହେକ୍ଟର ଜମି ଜେଲ ନାଁରେ ରହିଛି
ଜେଲ କାନ୍ଥର ୫୦ ଫୁଟ ପରିଧି ବା ବଫର ଜୋନ୍ ମଧ୍ୟରେ କୌଣସି ଘର ଦ୍ୱାର ରହି ପାରିବ ନାହିଁ
୨୦୧୩ ରେ ସୁପ୍ରିମ କୋର୍ଟର ରିଟ୍ ପିଟିସନ୍ ସଙ୍ଖ୍ୟା ୪୦୬ ର ଶୁଣାଣି କରି ଏପରି ରାୟ ଶୁଣାଇଛି ସର୍ବୋଚ୍ଚ ନ୍ୟାୟାଳୟ
ଗୃହ ବିଭାଗର ମଧ୍ୟ ଏଥି ପାଇଁ ସ୍ୱତନ୍ତ୍ର ନିର୍ଦେଶ ରହିଛି
ଜେଲ ମାନୁଆଲରେ ମଧ୍ୟ ଏପରି ବ୍ୟବସ୍ଥା ରହିଛି ।
ଝାରପଜା ଜେଲ ରୁ କଏଦି ଚମ୍ପଟ ମାରିବା ପରେ ସୁରକ୍ଷା ବ୍ୟବସ୍ଥା କଡାକଡି କରା ଯାଇଛି
ବଫର ଯୋନ ଜମି ବସ୍ତି ବାସିନ୍ଦାଙ୍କ କବ୍ଜାରେ ଥିବା ନେଇ ଆପତ୍ତି ଉଠାଇଛି ଜେଲ କତ୍ତୃପକ୍ଷ