ଉତ୍ତର ପ୍ରଦେଶର ବାଗପତରେ ବଡ ଅଘଟଣ ; ଜୈନ ସମୁଦାୟର ଲଡୁ ମହୋତ୍ସବ ସମୟରେ ଭାଙ୍ଗିଲା ମଞ୍ଚ

କନକ ବ୍ୟୁରୋ : ଉତ୍ତର ପ୍ରଦେଶର ବାଗପତରେ ବଡ ଅଘଟଣ । ଜୈନ ସମୁଦାୟ ପକ୍ଷରୁ ଆୟୋଜିତ ଲଡୁ ମହତ୍ସୋବ ସମୟରେ ଘଟିଛି ଅଘଟଣ । ସୂଚନା,ଅନୁସାରେ ଜୈନ ସମୁଦାୟଙ୍କ ଦ୍ବାରା ଆୟୋଜିତ ଲଡ଼ୁ ପର୍ବ ଅବସରରେ ମନ୍ଦର ପରିସରରେ ନିର୍ମିତ ମଞ୍ଚ ଭୁଷୁଡିଥିଲା,ଫଳରେ ୭ଜଣଙ୍କର ମୃତ୍ୟୁ ହୋଇଥିବା ବେଳେ ଏହି ଘଟଣାରେ ୫୦ରୁ ଅଧିକ ଶ୍ରଦ୍ଦାଳୁ ତଳେ ଫସି ରହିଥିଲେ । ୬୫ ଫୁଟ ଉଚ୍ଚ ମଞ୍ଚ ସକାଳ ୮ଟା ସମୟରେ ହଠାତ୍ ଭୁଷୁଡି ପଡିଥିଲା । ଆମ୍ବୁଲାନ୍ସର ସୁବିଧା ଶୀଘ୍ର ନମିଳିବାରୁ ଆହାତ ମାନଙ୍କୁ ଇ-ରିକ୍ସା ସାହାର୍ଯ୍ୟରେ  ମେଡିକାଲ ନିଆଯାଇଥିଲା । ଏଡିଏମ ପଙ୍କଜ ବର୍ମା ୭ଜଣଙ୍କ ମୃତ୍ୟୁ ହୋଇଛି ବୋଲି ସ୍ପଷ୍ଟ କରିଛନ୍ତି । ପ୍ରଶାସନ ଘଟଣା ଯାଂଚର ନିର୍ଦ୍ଧେଶ ଦେଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମେଡିକାଲରେ ଆହାତ ମାନଙ୍କ ଉତ୍ତମ ଚିକିତ୍ସା ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ଘଟଣାକୁ ନେଇ ପ୍ରଶାସନ ଆୟୋଜକଙ୍କୁ ଘେରିଛି । କୁହାଯାଉଛି ଅସ୍ଥାୟୀ ସିଡିରେ ଭକ୍ତମାନଙ୍କ ପ୍ରବଳ ଭିଡ ଯୋଗୁଁ ମଂଚ ଭୁଷୁଡିଥିଲା ।ସୁରକ୍ଷା ଦୃଷ୍ଟି କୋଣରୁ ଆୟୋଜକ କିଛି ବି ବ୍ୟବସ୍ଥା ଗ୍ରହଣ କରିନଥିଲେ ବୋଲି ପ୍ରଶାସନ ପ୍ରକାଶ କରିଛି ।