ଜୁନ ୧୨ ପରେ ମନ୍ତ୍ରିମଣ୍ଡଳ ଅଦଳବଦଳ!

କନକ ବ୍ୟୁରୋ: ଆଗାମୀ ସପ୍ତାହରେ ବିଜେପି ସରକାରର ଏକ ବର୍ଷ ପୂର୍ତ୍ତି ପାଳନ ପାଇଁ ଜୋରସୋରରେ ପ୍ରସ୍ତୁତି ଚାଲିଛି । ଏପଟେ ମୁଖ୍ୟମନ୍ତ୍ରୀ କରୁଛନ୍ତି ମନ୍ତ୍ରୀଙ୍କ ଏକ ବର୍ଷ ରିପୋର୍ଟ କାର୍ଡର ତର୍ଜମା । ମୁଖ୍ୟମନ୍ତ୍ରୀଙ୍କ ମାର୍କ ଆଧାରରେ ହେବ ମନ୍ତ୍ରିମଣ୍ଡଳର ଅଦଳବଦଳ । ଆଉ ଜୁନ ୧୨ରେ ପରେ ପୂର୍ଣ୍ଣାଙ୍ଗ ମନ୍ତ୍ରିମଣ୍ଡଳ ଗଠନ ହେବ ବୋଲି ଚର୍ଚ୍ଚା ଜୋର ଧରିଛି ।

Advertisment

ମୁଖ୍ୟମନ୍ତ୍ରୀ ଦେଖୁଛନ୍ତି ମନ୍ତ୍ରୀଙ୍କ ରିପୋର୍ଟ
ଏକ ବର୍ଷ କାମର ଚାଲିଛି ହିସାବକିତାବ

ଜୁନ ୧୨ରେ ବର୍ଷ ପୂର୍ତ୍ତି ପାଳନ ପାଇଁ ସରକାରଠୁ ବିଜେପି ସଙ୍ଗଠନ ଯାଏ ଆରମ୍ଭ ହୋଇଗଲାଣି କସରତ । ଆଉ ସପ୍ତାହକ ପରେ ଲୋକଙ୍କ କାମର ହିସାବ ଦେବାକୁ ପ୍ରସ୍ତୁତି ଚଳାଇଛନ୍ତି ମୋହନ ସରକାର । ବିଭାଗୱାରୀ ମାରାଥନ୍ ସମୀକ୍ଷା ପରେ ଏବେ ମନ୍ତ୍ରୀଙ୍କ ପ୍ରଦର୍ଶନ ଉପରେ ନଜର ପକାଉଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ମିଳିଥିବା ସୂଚନା ଅନୁସାରେ...

ମନ୍ତ୍ରୀଙ୍କ ରିପୋର୍ଟକୁ ସମୀକ୍ଷା କରୁଛନ୍ତି ମୁଖ୍ୟମନ୍ତ୍ରୀ
କିଛି ମନ୍ତ୍ରୀ ରିପୋର୍ଟ ଦେଇସାରିଛନ୍ତି, ଆଉ କିଛି ରିପୋର୍ଟ ପ୍ରସ୍ତୁତ କରୁଛନ୍ତି
ରିପୋର୍ଟରେ ବର୍ଷକର ଉପଲବ୍ଧିର ସମୀକ୍ଷା ହେଉଛି
ବିଭାଗର ଆଗାମୀ ଏଜେଣ୍ଡା ସମ୍ପର୍କରେ ରିପୋର୍ଟରେ ବିସ୍ତୃତ ତଥ୍ୟ ରହିଛି

ଜୁନ ୧୨ ପରେ ପାୱାର୍ କରିଡରରେ ଦେଖିବାକୁ ମିଳିପାରେ ବଡ଼ ହଲଚଲ । କାରଣ ଅଧାଗଢ଼ା ମନ୍ତ୍ରିମଣ୍ଡଳକୁ ପୂର୍ଣ୍ଣ ରୂପ ଦେଇପାରନ୍ତି ମୁଖ୍ୟମନ୍ତ୍ରୀ । ଭଲ ପ୍ରଦର୍ଶନ କରିନଥିବା କିଛି ମନ୍ତ୍ରୀଙ୍କୁ ବାଦ୍ ଦିଆଯାଇପାରେ । ଆଉ କିଛି ବରିଷ୍ଠ ଓ ଯୁବ ଚେହେରା ମନ୍ତ୍ରିମଣ୍ଡଳରେ ସାମିଲ ହୋଇପାରନ୍ତି । ଚର୍ଚ୍ଚା ହେଉଛି, ବିବାଦରେ ଫସିଥିବା କିଛି ମନ୍ତ୍ରୀଙ୍କ ସ୍ଥାନରେ ନୂଆଙ୍କୁ ସୁଯୋଗ ମିଳିପାରେ ।

ସୂଚନାଯୋଗ୍ୟ ଯେ, ବିଜେପି ସରକାରର ଏକ ବର୍ଷ ପୂର୍ତ୍ତି ପରେ ସମ୍ଭାବ୍ୟ ମନ୍ତ୍ରିମଣ୍ଡଳ ଅଦଳବଦଳ ନେଇ ମନ୍ତ୍ରୀଙ୍କ ମଧ୍ୟରେ ଛନକା ପଶିଛି । ଆଶା ବାନ୍ଧିଥିବା ନେତା ବି ଆଶାରେ ରହିଛନ୍ତି । ସମସ୍ତଙ୍କ ନଜର ମନ୍ତ୍ରୀଙ୍କ ରିପୋର୍ଟ କାର୍ଡକୁ ମୁଖ୍ୟମନ୍ତ୍ରୀ କେତେ ମାର୍କ ଦେଉଛନ୍ତି ।