ମଧ୍ୟପ୍ରଦେଶର ଇନ୍ଦୋରରେ ବଡ଼ ଦୁର୍ଘଟଣା : ଅନେକ ଲୋକଙ୍କ ମୃତ୍ୟୁ ହେବାର ଆଶଙ୍କା

କନକବ୍ୟୁରୋ : ମଧ୍ୟପ୍ରଦେଶର ଇନ୍ଦୋରରେ ଏକ ବଡ଼ ଦୁର୍ଘଟଣା ଘଟିଛି ।  ଏଠାରେ ଏକ ଦ୍ରୁତଗାମୀ ଟ୍ରକ୍ ଅନେକ ଗାଡ଼ିକୁ ଧକ୍କା ଦେଇଛି । ଏହି ଦୁର୍ଘଟଣାରେ ଅନେକ ଲୋକଙ୍କ ମୃତ୍ୟୁ ହେବାର ଆଶଙ୍କା କରାଯାଉଛି । ପ୍ରାରମ୍ଭିକ ସୂଚନା ଅନୁସାରେ ଏହି ଘଟଣାରେ ୫ ଜଣ ଲୋକଙ୍କର ମୃତ୍ୟୁ ହୋଇଛି,  କିନ୍ତୁ ଆଗକୁ ମୃତ୍ୟସଂଖ୍ୟା ବଢିବାର ଆଶଙ୍କା ରହିଛି । ଦୁର୍ଘଟଣା ପରେ ଉତ୍ତ୍ୟକ୍ତ ଜନତା ଟ୍ରକ୍ଟିକୁ ଜାଳି ଦେଇଛନ୍ତି  ।   ଏହି ଘଟଣାର ଏକ ଭିଡିଓ ଭାଇରାଲ ହୋଇଛି  ।
ସୂଚନା ଅନୁଯାୟୀ,   ସୋମବାର ସଂଧ୍ୟାରେ ଇନ୍ଦୋରର ଏୟାରପୋର୍ଟ ଥାନା  ଅଞ୍ଚଳରେ ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ପ୍ରାୟ ୮ ରୁ ୧୦ ଗାଡ଼ିକୁ ଧକ୍କା ଦେଇଥିଲା। ଅନେକ ଲୋକ ମଧ୍ୟ ପାଦରେ ଦଳି ଦେଇଥିଲେ ।  ଟ୍ରକ ଗତି ଏତେ ଦ୍ରୁତ ଥିଲା ଯେ ରାସ୍ତାରେ ଆସୁଥିବା ସମସ୍ତ ଗାଡ଼ି ଏଥିରେ ଧକ୍କା ଖାଇଥିଲା। ଗାଡ଼ିଗୁଡ଼ିକୁ ଧକ୍କା ଦେବା ପରେ, ଟ୍ରକ୍ଟି ବଡ଼ ଗଣପତି ନିକଟରେ ଅଟକି ଯାଇଥିଲା  ।
ଏହି ଘଟଣା ପରେ ଏଠାରେ ଏକତ୍ରିତ ହୋଇଥିବା ଉତ୍ତ୍ୟକ୍ତ ଜନତା ଟ୍ରକ୍ଟିକୁ ନିଆଁ ଲଗାଇ ଦେଇଥିଲେ । ଜଣେ ବାଇକ୍ ଆରୋହୀ ମଧ୍ୟ ଟ୍ରକ୍ ତଳେ ଫସି ଯାଇଥିଲେ ଏବଂ ତାଙ୍କୁ ଜଳୁଥିବା ଟ୍ରକ୍ ତଳୁ ବାହାର କରାଯାଇଥିଲା। ଆହତମାନଙ୍କୁ ନିରନ୍ତର ଡାକ୍ତରଖାନା ପଠାଯାଉଛି। ପୁଲିସ ଏବଂ ଆମ୍ବୁଲାନ୍ସ  ରାସ୍ତାକୁ ବନ୍ଦକରି ଉଦ୍ଧାର କାର୍ଯ୍ୟରେ ଜାରି ରଖିଛନ୍ତି।