ଅଣସର ଘରେ ଚାଲିଛି ମହାପ୍ରଭୁଙ୍କ ଗୁପ୍ତ ଉପଚାର : ଆଜି ଏକାଦଶୀ ତିଥିରେ ଲାଗିହେବ ଖଳିପ୍ରସାଦ

କନକବ୍ୟୁରୋ : ଅଣସର ଘରେ ଚାଲିଛି ମହାପ୍ରଭୁଙ୍କ ଗୁପ୍ତ ଉପଚାର ।  ଗତକାଲି ଚକାବିଜେ ପରେ ମହାପ୍ରଭୁଙ୍କୁ ଦଶମୂଳ ଲାଗି କରାଯାଇଛି ।  ଆଜି ଏକାଦଶୀ ତିଥିରେ ଲାଗିହେବ ଖଳିପ୍ରସାଦ । ଏକାଦଶୀରେ ସୁଧ ସୁଆରଙ୍କ ଘରୁ ଖଳି ପ୍ରସାଦ ଶ୍ରୀମନ୍ଦିରକୁ ବିଜେ କରିବା ପରେ ଦଇତାପତି ସେବକଙ୍କ ଦ୍ଵାରା ମହାପ୍ରଭୁଙ୍କୁ ଲାଗି କରିବାର ଵିଧି ରହିଛି ।

ଦଇତାପତିଙ୍କ ଦ୍ୱାରା ମଧ୍ୟହ୍ନ ଧୂପ ପରେ ଏହା ଲାଗି କରାଯାଇ ବାହାର ସର୍ବାଙ୍ଗ ବେଶ କରାଯିବ ।  ସେପଟେ ଆସନ୍ତାକାଲି ଦ୍ୱାଦଶୀ ତିଥିରେ ସକାଳଧୁପ ପରେ ମହାପ୍ରଭୁଙ୍କ ସୁସ୍ଥ ହେବା ଖବର ନେଇ ଶ୍ରୀନଅରକୁ ରାଜ ପ୍ରସାଦ ବିଜେ କରିବେ ଦଇତାପତି ସେବାୟତ । ଆଉ ତାପର ଦିନ ତ୍ରୟୋଦଶୀ ତିଥିରେ ଘଣାଲାଗି ନିତି ମଙ୍ଗଳଆଳତୀ ପୂର୍ବରୁ ଶେଷ କରାଯିବ। ଚତୁର୍ଦ୍ଦଶୀ ତିଥିରେ ଦତ୍ତମହାପାତ୍ରଙ୍କ ଦ୍ୱାରା ବନକ ଲାଗି ନିତି କରିବା ପରେ ଅମାବାସ୍ୟା ତିଥିରେ ହେବ ନବଯୌବନ ଦର୍ଶନ।