ଆକାଶରୁ କେମିତି ଦେଖାଯାଏ ସଙ୍ଗମ ନଗରୀ? ଡ୍ରୋନରେ କ୍ୟାପ୍ଚର ହେଲା ମହାକୁମ୍ଭର ଭବ୍ୟତା , ଆପଣ ବି ଦେଖନ୍ତୁ ପ୍ରୟାଗରାଜର ସୁନ୍ଦର ଦୃଶ୍ୟ

ଶ୍ରଦ୍ଧାଳୁଙ୍କ ଭିଡ଼ରେ ପଡୁଛି ଉଠୁଛି ପ୍ରୟାଗରାଜ ନଗରୀ । ମହାକୁମ୍ଭରେ ସଙ୍ଗମରେ ବୁଡ଼ ପକାଇବାକୁ ଭକ୍ତଙ୍କ ଲାଗିଛି ଗହଳି । ସଙ୍ଗମ ନଗରୀରେ ତପସ୍ୟା ଏବଂ କଳ୍ପବାସ ପାଇଁ ଦୂରଦୁରାନ୍ତରୁ ସାଧୁ-ସନ୍ଥ ଏବଂ ଭକ୍ତ ମହାକୁମ୍ଭରେ ପହଂଚୁଛନ୍ତି । ଟେଣ୍ଟ୍ ଏବଂ ପଣ୍ଡାଲ୍ ଲଗାଇ ଏହି ସାଧୁ ପ୍ରୟାଗରାଜ ଶିବିରରେ ବସବାସ କରୁଛନ୍ତି ।

ଲୋକାରଣ୍ୟ ଭିଡ଼ ଭିତରେ ଆକାଶମାର୍ଗରୁ ଏବେ ପ୍ରୟାଗରାଜର ଡ୍ରୋନ୍ ଦୃଶ୍ୟ ସାମ୍ନାକୁ ଆସୁଛି । ଯେଉଁଥିରେ ସଙ୍ଗମ ତଟର ଉଭୟ ଦିନ ଏବଂ ରାତିର ଦୃଶ୍ୟ ଅତି ମନୋରମ ଦିଶୁଛି । 

ପ୍ରୟାଗରାଜରେ ଗଙ୍ଗା , ଯମୁନା ଏବଂ ସରସ୍ବତୀ ୩ ପବିତ୍ର ନଦୀର ସଙ୍ଗମ ହୋଇଥିବାରୁ ଏହାକୁ ସଙ୍ଗମ ନଗରୀ ବୋଲି କୁହାଯାଏ । ସଙ୍ଗମ ତଟ ଉପର ଆକାଶମାର୍ଗରୁ ଫଟୋ ଏବଂ ଭିଡ଼ିଓ ନିଆଯାଇଥିବାରୁ ଅନେକ ଟେଣ୍ଟ୍ ଏବଂ ଶିବିର ଦୃଶ୍ୟମାନ ହେଉଛି ।

ଆସ୍ଥାର କିରଣରେ ଝଲସୁଥିବା ମହାକୁମ୍ଭ ନଗରର ଅଦ୍ଭୁତ ରାତ୍ରି ଦୃଶ୍ୟ ଧର୍ମ , ସଂସ୍କୃତି ଏବଂ ପରମ୍ପରାର ମହାସଙ୍ଗମକୁ ଉଜ୍ଜିବିତ କରୁଛି । ଆପଣ ମଧ୍ୟ ଦେଖନ୍ତୁ ମହାକୁମ୍ଭମେଳାର କିଛି ଚିତ୍ତାକର୍ଷକ ଦୃଶ୍ୟ ।