ଜାଗରରେ ଅବିବାହିତ କରନ୍ତୁ ଏଭଳି ପୂଜା : ପ୍ରସନ୍ନ ହୋଇଯିବେ ହରପାର୍ବତୀ , ମିଳିଯିବେ ମନଲାଖି ଜୀବନସାଥୀ

କନକ ବ୍ୟୁରୋ : ଯଦି ବିବାହରେ ବିଳମ୍ବ ହେଉଛି କିମ୍ବା ବିବାହ ପ୍ରସ୍ତାବ ବାରମ୍ବାର ଭାଙ୍ଗୁଛି ତେବେ ମହାଶିବରାତ୍ରି ବ୍ରତ ଆପଣଙ୍କ ପାଇଁ ଏକ ସୁବର୍ଣ୍ଣ ସମୟ ହୋଇପାରିବ । ମହାଶିବରାତ୍ରି ଦିନ ଦେବାଧିଦେବ ମହାଦେବଙ୍କ ପୂଜା ଉପଯୁକ୍ତ ଭାବେ କଲେ ଶୀଘ୍ର ବିବାହର ଯୋଗ ସୃଷ୍ଟି ହୋଇଥାଏ ବୋଲି ବିଶ୍ବାସ ରହିଛି। ପ୍ରଭୁ ଭୋଳାଶଙ୍କର ଏବଂ ମା’ ପାର୍ବତୀଙ୍କ ଆଶୀର୍ବାଦ ଦ୍ବାରା ଆପଣ ମନବାଞ୍ଝିତ ଜୀବନସାଥୀଙ୍କୁ ପାଇପାରିବେ । ମହାଦେବଙ୍କ ଅନ୍ୟନାମ ଭୋଳାନାଥ , ଭକ୍ତିରେ ଡାକିଲେ ବାବା ଭକ୍ତଙ୍କ ସମସ୍ତ ଇଚ୍ଛାକୁ ପୂର୍ଣ୍ଣ କରନ୍ତି । ଯଦି ଅବିବାହିତ ଯୁବକ, ଯୁବତୀମାନେ ଶିବଙ୍କ ପ୍ରିୟ ମହାଶିବରାତ୍ରି ଦିନ ଏକ ନିର୍ଦ୍ଧିତ ପଦ୍ଧତିରେ ବାବାଙ୍କ ପୂଜା କରନ୍ତି ତେବେ ସେମାନଙ୍କୁ ସେମାନଙ୍କ ପସନ୍ଦର ଜୀବନସାଥୀ ମିଳିଥାଏ ବୋଲି ବିଶ୍ବାସ କରାଯାଏ । କେବଳ ଏତିକି ନୁହେଁ ଦାମ୍ପତ୍ୟ ଜୀବନ ଖୁସିରେ ବିତିବା ସହ ଜୀବନରେ ସମୃଦ୍ଧି ମଧ୍ୟ ପ୍ରାପ୍ତ ହୁଏ । ତେବେ ଆସନ୍ତୁ ଜାଣିବା ମହାଶିବରାତ୍ରି ଅବସରରେ ଅବିବାହିତମାନେ କିପରି କରିବେ ପୂଜା? 

ଆଗକୁ ପଢ଼ନ୍ତୁ : ମହାଶିବରାତ୍ରିରେ ପଡୁଛି ଦୁର୍ଲଭ ଯୋଗ : ୩ ରାଶି ଉପରେ ବର୍ଷିବ ଶିବଙ୍କ କୃପା ; କିଏ କିଏ ଏହି ୩ ରାଶି , ଦେଖନ୍ତୁ?

କ୍ୟାଲେଣ୍ଡର ଅନୁସାରେ ଫାଲଗୁନ ମାସର କୃଷ୍ଣ ପକ୍ଷ ଚତୁର୍ଦ୍ଦଶୀ ତିଥି ଫେବୃଆରି ୧୫ ସନ୍ଧ୍ୟା ୫.୦୪ ରେ ଆରମ୍ଭ ହେଉଛି ମହାଶିବରାତ୍ରି । ଚତୁର୍ଦ୍ଦଶୀ ତିଥି ଫେବୃଆରୀ ୧୬ ସନ୍ଧ୍ୟା ୫ ଟା ୨୪ ରେ ଶେଷ ହେବ । ଏହି ଦିନ ବ୍ରହ୍ମ ମୁହୂର୍ତ୍ତରୁ ଉଠି ସ୍ନାନ କରିବା ସହ ଉପବାସ ପାଇଁ ପ୍ରତିଜ୍ଞା କରନ୍ତୁ । ତା’ପରେ ଧଳା କିମ୍ବା ହଳଦିଆ ରଙ୍ଗର ବସ୍ତ୍ର ପିନ୍ଧି ଘରର ମନ୍ଦିର ସଫା କରନ୍ତୁ । ଗଙ୍ଗାଜଳ ସିଞ୍ଚି ଠାକୁର ଘରକୁ ପବିତ୍ର କରନ୍ତୁ । ଶିବଲିଙ୍ଗଙ୍କୁ ଏକ ସଫା ପାତ୍ରରେ ରଖି ଗଙ୍ଗାଜଳ,କ୍ଷୀର,ଦହି,ମହୁ ଏବଂ ଘିଅରେ ଜଳାଭିଷେକ କରନ୍ତୁ । ଜଳ ଅର୍ପଣ କରିବା ପରେ ଶିବଲିଙ୍ଗରେ ଚନ୍ଦନର ତିଳକ ଲଗାନ୍ତୁ । ତା’ପରେ ବେଲ ପତ୍ର, ଧବଳ ଫୁଲ , ଦୁଦୁରା ଏବଂ ପବିତ୍ର ସୂତା ଅର୍ପଣ କରନ୍ତୁ । ଶିବଲିଙ୍ଗଙ୍କ ନିକଟରେ ଧୂପକାଠି ଏବଂ ଦୀପ ଜାଳନ୍ତୁ । ମହାଦେବଙ୍କ ବାମ ପାର୍ଶ୍ବରେ ମା’ଜଗଦମ୍ବାଙ୍କୁ ବସାନ୍ତୁ । ମା’ ପାର୍ବତୀଙ୍କ ମଥାରେ ସିନ୍ଦୂର ଏବଂ ଶଙ୍ଖା ଅର୍ପଣ କରିବା ସହ ଶୃଙ୍ଗାର ସାମଗ୍ରୀ ଅର୍ପଣ କରୁନ୍ତୁ । ବର୍ତ୍ତମାନ ଦେବଦମ୍ପତିଙ୍କୁ ହାତରେ ପ୍ରସ୍ତୁତ କରିଥିବା ଖିରି,ମିଠା ଏବଂ ଫଳ ଆଦି ଲାଗି କରନ୍ତୁ । ପୂଜା ଶେଷ ପରେ ଶିବ ଚାଳିଶା ଏବଂ ଶିବ ମନ୍ତ୍ର ଜପ କରିବା ସହ ମା’ଙ୍କୁ ସୁମରନ୍ତୁ । ଉମାଶଙ୍କରଙ୍କ ଆଳତି କରି ମନରେ ମହାଦେବଙ୍କୁ ମନବାଞ୍ଝା କୁହନ୍ତୁ । ମନରେ ଭକ୍ତି ଏବଂ ଶ୍ରଦ୍ଧା ରଖନ୍ତୁ ଆପଣଙ୍କ ମନକଥା ଜଗତପିତା ଏବଂ ଜଗତମାତା ନିଶ୍ଚୟ ପୂରଣ କରିବେ । ତେବେ ମହାଶିବରାତ୍ରିରେ ଉପବାସ ଭାଙ୍ଗିବାର ଶୁଭ ସମୟ ହେଉଛି ସକାଳ ୭:୦୬ ରୁ ଅପରାହ୍ନ ୩:୪୬ । "ପରାଣ" ର ଅର୍ଥ ହେଉଛି ଉପବାସ ଭାଙ୍ଗିବା । ଯଦି ଆପଣ ମହାଶିବରାତ୍ରି ଉପବାସ ପାଳନ କରୁଛନ୍ତି ତେବେ ଫେବୃଆରୀ ୧୬ ରେ ଏହାକୁ ଭଙ୍ଗ କରନ୍ତୁ । ସାତ୍ତ୍ୱିକ ଖାଦ୍ୟ ସହ ପିତା ପରିବାର ବ୍ୟଞ୍ଜନ ଗ୍ରହଣ କରି ଉପବାସ ଭାଙ୍ଗିବା ଶୁଭ ।