ପବିତ୍ର ଭୂମି ପ୍ରୟାଗରାଜରେ ବଡ଼ ଆଡମ୍ବରରେ ଚାଲିଛି ମହାକୁମ୍ଭ । ଏହାରି ଭିତରେ ରବିବାର ପ୍ରୟାଗରାଜର ସେକ୍ଟର-୧୯ ଅଖିଳ ଭାରତୀୟ ଧର୍ମ ସଂଘ ଗୀତା ପ୍ରେସ୍ ଗୋରଖପୁର କ୍ୟାମ୍ପରେ ଲାଗିଲା ନିଆଁ । ନିଆଁ ଏତେ ଭୟାବହ ହେଲା ଯେ କ୍ୟାମ୍ପରୁ ଚାରିଆଡ଼େ ଖେଳିହୋଇଗଲା । ଅଗ୍ନିକାଣ୍ଡ ହେବା ଫଳରେ ଟେଣ୍ଟ୍ ରେ ଥିବା ଅନେକ ସାମଗ୍ରୀ ଜଳିପୋଡି ପାଉଁଶ ହୋଇଗଲା ।

Advertisment

fdgeg

ତେବେ ନିଆଁ କେଉଁ କାରଣରୁ ଲାଗିଲା ଏଯାଏଁ ସ୍ପଷ୍ଟ ହୋଇନଥିବା ବେଳେ ଆଖପାଖରେ ବସବାସ କରୁଥିବା ସାଧୁଙ୍କ ମତରେ ପ୍ରଥମେ ଗୋଟିଏ ସିଲିଣ୍ଡରରେ ନିଆଁ ଲାଗିଲା ପରେ ଏଥିରୁ ଗୋଟିଏ ପରେ ଗୋଟିଏ ଶିବିରକୁ ନିଆଁ ଲାଗି ଲାଗି ଚାଲିଲା । ନିଆଁ ଏତେ ବିକଟାଳ ରୂପ ନେଲା ଯେ ଟେଣ୍ଟ୍ ରେ ରହିଥିବା ସିଲିଣ୍ଡର ଫାଟିବାକୁ ଲାଗିଲା । ପାଖାପାଖି ୮ ରୁ ୧୦ ଟି ସିଲିଣ୍ଡର ଫାଟିଥିବାର ସୂଚନା ମିଳୁଛି । ତେବେ ଅଗ୍ନିଶମ ବିଭାଗର ଟିମ୍ ନିଆଁକୁ ଆୟତ୍ତ କରିବାରେ ସଫଳ ହୋଇଛନ୍ତି । 

gfbhgedr

ମହାକୁମ୍ଭର ଏହି ଅଗ୍ନିକାଣ୍ଡରେ ୧୫ ରୁ ୧୮ ଟି ଟେଣ୍ଟ୍ ଜଳିପୋଡ଼ି ପାଉଁଶ ହୋଇଯାଇଥିବାର ସୂଚନା ମିଳୁଛି ।  ତେବେ ଏନେଇ ପ୍ରୟାଗରାଜ ଜିଲ୍ଲା ମାଜିଷ୍ଟ୍ରେଟ୍ ରବିନ୍ଦ୍ର କୁମାର ପ୍ରତିକ୍ରିୟା ରଖି କହିଛନ୍ତି ଯେ , ସଂନ୍ଧ୍ୟା ୪.୩୦ ସମୟରେ ନିଆଁ ଲାଗିଥିଲା ଯେଉଁଥିରେ କୌଣସି ବ୍ୟକ୍ତିବିଶେଷ ମୃତାହତ ହେବାର ସୂଚନା ନାହିଁ । ବର୍ତ୍ତମାନ ସ୍ଥିତି ନିୟନ୍ତ୍ରଣ ରହିଛି । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ଘଟଣା ଉପରେ ବିଶେଷ ଧ୍ୟାନ ଦେଉଥିବାର ସୂଚନା ମିଳିଛି ।   

fdged

ମହାକୁମ୍ଭ ମେଳାରେ ଘଟିଥିବା ଏହି ଅଘଟଣ ପରେ ସମାଜବାଦୀ ପାର୍ଟି ଏବଂ ଅଖିଳେଶ୍ ଯାଦବ ଯୋଗୀ ସରକାରଙ୍କ ଉପରେ ପ୍ରଶ୍ନ ଉଠାଇଛନ୍ତି । ବିରୋଧୀ କହିଛନ୍ତି , ସପା ନେତା କହିଛନ୍ତି ଯେ ଆମେ ମୂଳରୁ ହିଁ କୁମ୍ଭରେ ହେଉଥିବା ଆୟୋଜନ ଉପରେ ପ୍ରଶ୍ନ ଉଠାଇଆସିଛୁ । ଯେଉଁ ଶ୍ରଦ୍ଧାଳୁ ମହାକୁମ୍ଭ ପହଂଚୁଛନ୍ତି ସେମାନେ ଖୋଲା ଆକାଶ ତଳେ ରହୁଛନ୍ତି ଏବଂ ପିଇବା ପାଣିର ମଧ୍ୟ ଭଲ ବ୍ୟବସ୍ଥା ନଥିବାରୁ ସମସ୍ୟା ଭୋଗୁଛନ୍ତି । 

xsdfersdf