କୁମ୍ଭମେଳା ପାଇଁ ପ୍ରସ୍ତୁତ ପ୍ରୟାଗରାଜ

କନକ ବ୍ୟୁରୋ : ଆରମ୍ଭ ହୋଇଯାଇଛି ମହାକୁମ୍ଭ ମେଳା ପାଇଁ ବଡ଼ ପ୍ରସ୍ତୁତି । ଭାରତର ସର୍ବବୃହତ ଧାର୍ମିକ ମହୋତ୍ସବ ଆସନ୍ତା ବର୍ଷ ଜାନୁୟାରୀରୁ ଆରମ୍ଭ ହେବାକୁ ଯାଉଛି । ଏଥିପାଇଁ ଉତ୍ତରପ୍ରଦେଶର ପ୍ରୟାଗରାଜରେ ବିଶେଷ ପ୍ରସ୍ତୁତି ଜାରି ରହିଛି । ଦେଶ ତଥା ବିଦେଶରୁ ଅତିଥୀ ମାନଙ୍କୁ ଆକୃଷ୍ଟ କରିବା ପାଇଁ ୟୁପି ସରକାର ଚଳିତ ଥର ନୂଆ ନୂଆ କାର୍ଯ୍ୟକ୍ରମ ଆୟୋଜନ କରିବାକୁ ନିଷ୍ପତ୍ତି ନେଇଛନ୍ତି ।

Advertisment

୧୨ ବର୍ଷରେ ଥରେ ହେଉଥିବା ଏହି ମହାକୁମ୍ଭ ମେଳା ପାଇଁ ପ୍ରସ୍ତୁତିର ଦୃଶ୍ୟ ସାମ୍ନାକୁ ଆସିଛି । ପର୍ଯ୍ୟଟକ ତଥା ଶ୍ରଦ୍ଧାଳୁଙ୍କ ରହିବା ପାଇଁ ବ୍ୟବସ୍ଥା, ଧାର୍ମିକ ଆଲୋଚନା ପାଇଁ ମଞ୍ଚ ଓ ବ୍ୟବସାୟିକ ଅନୁଷ୍ଠାନ ପାଇଁ ନୂତନ ବ୍ୟବସ୍ଥା କରାଯାଇଛି । ଏଥର ଜାନୁଆରୀ ୧୩ରୁ ଫେବ୍ରୁଆରୀ ୨୬ ଯାଏଁ ଚାଲିବ ମହାକୁମ୍ଭ ମେଳା । ଯେଉଁଥିରେ ପ୍ରାୟ ୪୦ କୋଟି ଲୋକଙ୍କ ସମାଗମ ହେବା ଆଶା କରାଯାଉଛି ।

ମହାକୁମ୍ଭ ୨୦୨୫, ଏଥର ନୂଆ କ’ଣ ?

ବିଶ୍ୱ ଦେଖିବ କୁମ୍ଭମେଳାର ଭବ୍ୟ ଆୟୋଜନ
ପ୍ରୟାଗରାଜରେ ମହାକୁମ୍ଭ ମେଳା ପାଇଁ ବଡ଼ ପ୍ରସ୍ତୁତି
ଜାନୁୟାରୀ ୧୩ରୁ ଫେବ୍ରୁୟାରୀ ୨୬ ଯାଏଁ ଚାଲିବ ମେଳା
ପୌଷ ପୁର୍ଣ୍ଣିମାରୁ ଆରମ୍ଭ ହେବା ପୂଜା ଓ ମେଳା ଆରମ୍ଭ
ମକର ସଂକ୍ରାନ୍ତିରେ ପବିତ୍ର ତିଥିରେ ବୁଡ଼ ପକାଇବେ ଶ୍ରଦ୍ଧାଳୁ
ନାଗା ସାଧୁଙ୍କ ଆଗମନ ପାଇଁ ଯୋଗଧାମ ନିର୍ମାଣ ହୋଇଛି
ମେଳା ବେଳେ ଚାଲିବ ୩ ହଜାର ସ୍ୱତନ୍ତ୍ର ଟ୍ରେନ
ଶହେ ବର୍ଷର ପୁରୁଣା ପୋଲ ବଦଳରେ ନୂଆ ପୋଲ କରାଯାଇଛି
୪୮ଟି ନୂଆ ପ୍ଲାଟଫର୍ମ କରାଯାଇଛି
ଫୁଟ ଓଭର ବ୍ରିଜରେ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି
ଅଯୋଧ୍ୟା ପରି ପ୍ରୟାଗରାଜରେ ମଧ୍ୟ କଲର କୋଡିଂ ବ୍ୟବସ୍ଥା ହୋଇଛି
ଗଙ୍ଗା ନଦୀ ଉପରେ ପ୍ରାୟ ୨ କିଲୋମିଟର ଲମ୍ବାର ବ୍ରିଜ ହୋଇଛି
ମେଳକୁ ଜଗିବ ୧୩ ଶହରୁ ଅଧିକ ସିସିଟିଭି କ୍ୟାମେରା