କନକ ବ୍ୟୁରୋ : ଉଚ୍ଚ ରକ୍ତଚାପ ପରି ନିମ୍ନ ରକ୍ତଚାପ ବା ଲୋ ବ୍ଲଡ୍‌ ପ୍ରେସର ମଧ୍ୟ ଏକ ସ୍ୱାସ୍ଥ୍ୟଗତ ସମସ୍ୟା । ଯେତେବେଳେ ରକ୍ତଚାପ ଆବଶ୍ୟକୀୟ ମାତ୍ରାରୁ କମ୍ ହୋଇଯାଏ, ସେତେବେଳେ ଅନେକ ସମସ୍ୟା ଦେଖାଦିଏ । ଏହା ଯୋଗୁଁ ଶରୀରକୁ ପର୍ଯ୍ୟାପ୍ତ ପରିମାଣର ଅମ୍ଳଜାନ ମିଳିପାରେ ନାହିଁ । ଫଳରେ ମୁଣ୍ଡ ବୁଲାଇବା, ଦୁର୍ବଳ ଲାଗିବା, ଆଖିକୁ ଝାପ୍‌ସା ଦେଖାଯିବା, ବାନ୍ତି ଲାଗିବା ଏବଂ ବେଳେବେଳେ ଚେତାଶୂନ୍ୟ ହୋଇଯିବା ଭଳି ଲକ୍ଷଣ ଦେଖାଯାଏ । ତେବେ କିଛି ସରଳ ଘରୋଇ ଉପଚାର ମାଧ୍ୟମରେ ଏହି ସମସ୍ୟାରୁ ସହଜରେ ମୁକ୍ତି ମିଳିପାରିବ ।

Advertisment

ସରଳ ଘରୋଇ ଉପଚାର:

୧. ଲୁଣ ପାଣି: ଲୋ ବ୍ଲଡ୍‌ ପ୍ରେସର ପାଇଁ ଲୁଣ ପାଣି ଏକ ତତ୍କାଳ ଉପଚାର । ଲୁଣରେ ଥିବା ସୋଡିୟମ୍ ରକ୍ତଚାପ ବଢ଼ାଇବାରେ ସାହାଯ୍ୟ କରେ । ଯେତେବେଳେ ବିପି କମ୍ ଥିବ, ଗୋଟିଏ ଗ୍ଲାସ୍ ପାଣିରେ ଅଧା ଚାମଚ ଲୁଣ ମିଶାଇ ପିଅନ୍ତୁ । ଏହା ତୁରନ୍ତ ଆରାମ ଦେଇଥାଏ ।

୨. ପର୍ଯ୍ୟାପ୍ତ ପାଣି ପିଅନ୍ତୁ: ଶରୀରରେ ଜଳୀୟ ଅଂଶ କମିଗଲେ ରକ୍ତଚାପ କମିଯାଏ ଓ ଡିହାଇଡ୍ରେସନ ମଧ୍ୟ ହୁଏ  । ତେଣୁ ଦିନକୁ ଅତି କମରେ ୮-୧୦ ଗ୍ଲାସ୍ ପାଣି ଉଚିତ୍ । ଏହା ବ୍ୟତୀତ ନଡ଼ିଆ ପାଣି, ଫଳରସ ଏବଂ ଲେମ୍ବୁ ପାଣି ମଧ୍ୟ ପିଇପାରିବେ ।

୩. କଫି କିମ୍ବା ଚା': କେଫିନ୍‌ଯୁକ୍ତ ପାନୀୟ ଯେପରିକି କଫି କିମ୍ବା ଚା' ରକ୍ତଚାପକୁ ସାମୟିକ ଭାବେ ବଢ଼ାଇବାରେ ସାହାଯ୍ୟ କରେ । ଯଦି ହଠାତ୍ ବିପି କମିଯାଏ, ତେବେ ଏକ କପ୍ ଷ୍ଟ୍ରଙ୍ଗ୍ କଫି ପିଇଲେ ଆରାମ ମିଳିଥାଏ ।

୪. ତୁଳସୀ ପତ୍ର: ତୁଳସୀରେ ପୋଟାସିୟମ୍, ମ୍ୟାଗ୍ନେସିୟମ୍ ଓ ଭିଟାମିନ୍ ସି ଭରପୂର ମାତ୍ରାରେ ଥାଏ । ଯାହା ରକ୍ତଚାପକୁ ନିୟନ୍ତ୍ରଣରେ ରଖିବାରେ ସହାୟକ ହୁଏ । ପ୍ରତିଦିନ ସକାଳେ ୪-୫ଟି ତୁଳସୀ ପତ୍ରକୁ ଚୋବାଇ ଖାଇଲେ ବହୁତ ଲାଭ ମିଳେ ।

୫. ଭିଜା କିସ୍‌ମିସ୍: ରାତିରେ କିଛି କିସ୍‌ମିସ୍ ପାଣିରେ ଭିଜାଇ ରଖନ୍ତୁ । ସକାଳେ ଖାଲି ପେଟରେ ସେହି ପାଣିକୁ ପିଇବା ସହ କିସ୍‌ମିସ୍‌କୁ ଖାଇଲେ ରକ୍ତଚାପ ନିୟନ୍ତ୍ରିତ ରୁହେ ଏବଂ ଶରୀରକୁ ଏନର୍ଜି ମିଳେ ।

ଏହିସବୁ ସରଳ ଘରୋଇ ଉପଚାର ସାମୟିକ ଆରାମ ପାଇଁ ଉଦ୍ଦିଷ୍ଟ । ଯଦି ଲୋ ବ୍ଲଡ୍‌ ପ୍ରେସର ସମସ୍ୟା ବାରମ୍ବାର ହେଉଥାଏ କିମ୍ବା ଲକ୍ଷଣ ଗମ୍ଭୀର ହୁଏ, ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଜରୁରୀ ।