ସୁନାବେଶରେ ସାଆନ୍ତେଙ୍କୁ ଦର୍ଶନ କରିବାକୁ ଆତୁର ହେଲାଣି ମନ

ଓଡ଼ିଆଣୀ ବେଶରେ ସଜେଇ ହୋଇଛନ୍ତି ମାଆ ସୁଭଦ୍ରା । କି ଭାଗ୍ୟ ସେ ପଦ୍ମଫୁଲର ଯୋଗମାୟାଙ୍କ ବେକରେ ମାଳା ହେବାର ସୌଭାଗ୍ୟ ପାଇଛି ।

ଶ୍ରୀମନ୍ଦିରରୁ ଆସିଲା ରତ୍ନ ଅଳଙ୍କାର । ଦାରୁବ୍ରହ୍ମଙ୍କ ସୁନାବେଶ ପାଇଁ ତତ୍ପର ହୋଇ ଉଠିଛନ୍ତି ସେବାୟତ । ଗୋଟି ଗୋଟି କରି ଆଭୂଷଣ ନେଇ ଆସୁଛନ୍ତି ।

ଶଙ୍ଖ ଚକ୍ର ଧାରଣ କରି ଶ୍ରଦ୍ଧାଳୁଙ୍କୁ ଦର୍ଶନ ଦେବେ ମହାପ୍ରଭୁ । କୋଟି କୈବଲ୍ୟନାଥ ଅପୂର୍ବ ରୂପରେ ଦର୍ଶନ ଦେବେ ।

ଆପାଦ ମସ୍ତକ ସୁନାରେ ସଜେଇ ହେବେ ଶ୍ରୀବିଗ୍ରହ । ଏ ଦର୍ଶନ ପାଇଁ ଶ୍ରଦ୍ଧାଳୁଙ୍କ ମନରେ କେତେ ଯେ ଉତ୍କଣ୍ଠା । ତାହା କଣ ବର୍ଣ୍ଣନା କରିହେବ ।

ରଥ ଉପରୁ ଭକ୍ତଙ୍କୁ ଦେଖୁଛି କାଳିଆ । କିଛି ସମୟରେ ହେବ ସୁନାବେଶ । ଗୁଣ୍ଡିଚାଲୀଳା ସାରି ଫେରିବା ପରେ ସିଂହଦ୍ୱାର ସମ୍ମୁଖରେ ବିଶ୍ରାମ ନେଇଛନ୍ତି ମହାପ୍ରଭୁ ।

ରତ୍ନବେଦିକୁ ବାହୁଡ଼ିବା ପୂର୍ବରୁ ରଥ ଉପରେ ବିଶ୍ରାମ ନେଇଛନ୍ତି ତିନି ଠାକୁର । ଆଜି ହେବ ସୁନାବେଶ ।

ମହାପ୍ରଭୁଙ୍କ ସୁନାବେଶ ଦେଖିବାକୁ ଅପେକ୍ଷା କରି ରହିଛନ୍ତି ଶ୍ରଦ୍ଧାଳୁ । ସୁନାବେଶରେ ଝଟକିବେ ଜଗତାଧିପତି ।