ରଥାରୂଢ଼ ହେଲେ ବଡ଼ବାଡ଼ର ସାମନ୍ତ, ଦେଖନ୍ତୁ ପହଣ୍ଡି ବିଜେ ସମୟର କିଛି ଅପୂର୍ବ ଦୃଶ୍ୟ...

ଆରମ୍ଭ ହେଲା ବଡ଼ଠାକୁର ବଳଭଦ୍ରଙ୍କ ପହଣ୍ଡି । ଧାଡ଼ି ପହଣ୍ଡିରେ ଆସିଛନ୍ତି ପ୍ରଭୁ ବଳଭଦ୍ର । ଘଣ୍ଟଘଣ୍ଟା, ହରିବୋଲରେ ପ୍ରକମ୍ପିତ ହେଲା ବଡ଼ଦାଣ୍ଡ ।

ହୁଳହୁଳିରେ, ହରିବୋଲରେ କମ୍ପୁଛି ଶ୍ରୀକ୍ଷେତ୍ର । ବଡ଼ ଠାକୁରଙ୍କ ପରେ ପହଣ୍ଡିରେ ଆସିବେ ମା ସୁଭଦ୍ରା ।

ଦିବ୍ୟ ଟାହିଆ ସୁଶୋଭିତ ହୋଇ ବଡ଼ବାଡ଼ର ସାମନ୍ତ ଶ୍ରୀନଅରରୁ ଝୁଲିଝୁଲି ରଥରେ ବିରାଜମାନ ହୋଇଛନ୍ତି ।

ନିର୍ଦ୍ଧାରିତ ସମୟର ଦେଢ଼ ଘଣ୍ଟାରୁ ଆହୁରି ପୂର୍ବରୁ ଆରମ୍ଭ ହୋଇଯାଇଛି ପହଣ୍ଡି ।

ପ୍ରଥମେ ଚକ୍ରରାଜ ସୁଦର୍ଶନଙ୍କ ପହଣ୍ଡି ହୋଇଥିଲା । ଏହାପରେ ବଡ଼ଦେଉଳରୁ ସେବାୟତଙ୍କ କାନ୍ଧରେ ଝୁଲିଝୁଲି ଆସିଲେ ବଡ଼ ଠାକୁର ।

ବଡ଼ଠାକୁରଙ୍କ ପହଣ୍ଡି ବିଜେ ଦେଖି ବିମୋହିତ ହୋଇଛନ୍ତି ଭକ୍ତ । ପ୍ରଥମେ ରଥରେ ବିରାଜମାନ ହେବାକୁ ବାହାରି ଆସିଛନ୍ତି ।

ସୁରୁଖୁରୁରେ ଚାଲିଛି ବିଶ୍ୱନିୟନ୍ତାଙ୍କ ନୀତିକାନ୍ତି । ରଥଯାତ୍ରା ଦେଖିବାକୁ ପ୍ରବଳ ଭିଡ଼ ଜମାଇଛନ୍ତି ଶ୍ରଦ୍ଧାଳୁ।