କର୍ମକ୍ଷେତ୍ରକୁ ଯିବା ଲାଗି ଭାରି ବ୍ୟସ୍ତ ; ଡ଼ଗ ଡ଼ଗ ହୋଇ ରଥକୁ ବିଜେ କଲେଣି ବଡ଼ ଭାଇ

କନକ ବ୍ୟୁରୋ : ବଡ଼ ସାଆନ୍ତେ ଇଏ ତୁମର କି ଲୀଳା କି , ସହଜେ ମାନିବା ଦିଅଁ ନୁହେଁ ତ ତୁମେ । ଆଜି କାଇଁ ସଅଳ ସଅଳ ଚଢ଼ିଗଲ ରଥକୁ । ବଡ଼ ବାଡ଼ର ବାଡ଼ଗ୍ରାହୀ ତୁମେ , ବହୁତ ଭାରୀ । ତୁମକୁ ଉଠେଇଲେ ସେବାୟତମାନେ ଥକ୍କି ପଡ଼ନ୍ତି । ଆଜି କ’ଣ ହୋଇଛି କି ପ୍ରଭୁ ? ପହଣ୍ଡି କରିବାବେଳେ ଡ଼ଗ ଡ଼ଗ ହୋଇ ଉଠିଗଲ ଯେ ରଥକୁ  । ଭାଇ ଭଉଣୀଙ୍କ ସହ କିଛି କଥା ହୋଇ ଆସିଛ ବୋଧେ  ।  ନା କାଳିଆ ସାଆନ୍ତ କହିଛନ୍ତି ସଅଳ ଯିବାକୁ  ।

ପ୍ରଭୁ ତୁମ ମାୟା ତୁମକୁ ଜଣା , ନିର୍ଦ୍ଧାରିତ ସମୟ ପୂର୍ବରୁ ତୁମେ ପହଞ୍ଚିଗଲ ରଥରେ । ଆଉ ଡେରି କାହିଁକି ? କୁହ ତୁମ ଭାଇ କଳା ସାଆନ୍ତଙ୍କୁ ସେ ବି ସଅଳ ବିଜେ କରନ୍ତୁ  । ସେପଟେ ବା ଚାତକ ପରି ପୋଡ଼ ପିଠା ଧରି ଚାହିଁ ବସିଛନ୍ତି ମାଉସୀ ମାଆ । ମୁଁ ଏବେ ବୁଝିଲିପ୍ରଭୁ ,ବଡ଼ ଖାଉଟିଆ ତୁମେ । ଭୋକ ହେଲାଣି ବୋଧେ..ମନଟା ତୁମର ମାଉସୀ ମା ପୋଡ଼ ପିଠା ପାଖରେ  । ସେଇଥି ପାଇଁ ଡ଼ଗ ଡ଼ଗ ହେଇ ଉଠିଗଲ ରଥକୁ ।