ରାସନ ପାଇଁ ରାତି ଅନିଦ୍ରା ; ରାତି ୧୦ଟାରୁ କଣ୍ଟ୍ରୋଲ ଦୋକାନ ଆଗରେ ଲମ୍ବା ଲାଇନ୍ ।

କନକ ବ୍ୟୁରୋ: ରାସନ ପାଇଁ ରାତି ୯ଟାରୁ ଧାଡ଼ି । ବାଲେଶ୍ୱର ଜିଲ୍ଲା ସହଦବଖୁଣ୍ଟାରେ ଦେଖିବାକୁ ମିଳିଛି ଏପରି ଦୃଶ୍ୟ । ସକାଳ ୮ଟାରେ କଣ୍ଟ୍ରୋଲ ଦୋକାନ ଖୋଲିବ । କିନ୍ତୁ ରାତିରେ ଆରମ୍ଭ ହୋଇଗଲାଣି ଧାଡି । ଲୋକ ନିଜ ରାସନ କାର୍ଡକୁ ଆଣି ଧାଡିରେ ଲଗାଉଛନ୍ତି ତ କିଏ ପଥର ରଖି ଧାଡିରେ ଲାଗୁଛି । ରାତି ତମାମ ଲୋକ ଧାଡ଼ିରେ ଜଗି ରହୁଛନ୍ତି । ନୂଆ ବ୍ୟବସ୍ଥା ହୋଇଥିବାରୁ ମାତ୍ର ୪୦ରୁ ୫୦ ଜଣଙ୍କୁ ତିନି ମାସର ରାସନ ସାମଗ୍ରୀ ମିଳିବ । ତେଣୁ ଆଗରେ ନଥିଲା ଚାଉଳ ପାଇବା କଷ୍ଚକର ହୋଇପଡୁଛି । ଏଭଳି ସ୍ଥିତିରେ ଘୋର ଅସନ୍ତୋଷ ପ୍ରକାଶ କରିଛନ୍ତି ହିତାଧିକାରୀ ।