କନକ ବ୍ୟୁରୋ :  ଗାଈଗୋଠ ଉପରେ ବଜ୍ରପାତ । ବଜ୍ରାଘାତରେ ୧୩ଟି ମେଣ୍ଢା ଏବଂ ଦୁଇ ବଳଦର ମୃତ୍ୟୁ ହୋଇଛି । ୧୦ଟି ମେଣ୍ଢା ଗୁରୁତର ଆହତ ହୋଇଛନ୍ତି । ଗାଈ ଚରାଳି ଗାଈଗୋଠଠାରୁ ଦୂରରେ ଥିବାରୁ ଅଳ୍ପକେ ବର୍ତ୍ତି ଯାଇଛି ।  କୋରାପୁଟ ଜିଲ୍ଲା ବୈପାରୀଗୁଡାରେ ଘଟିଛି ଏହି ଘଟଣା। ବୈପାରିଗୁଡାରେ ଆଜି ଅପରାହ୍ନରେ ପ୍ରବଳ ବର୍ଷା ସାଙ୍ଗକୁ ବିଜୁଳି ଘଡ଼ଘଡ଼ି ହେଇଥିଲା। ଏହି ସମୟରେ ପିପଲଗୁଡା ଗାଈ ଗୋଠରେ ବଜ୍ରପାତ ଘଟିଥିଲା। ବଜ୍ରାଘାତରେ ୧୩ଟି ମେଣ୍ଢା, ଦୁଇ ବଳଦର ମୃତ୍ୟୁ ଓ ୧୦ ମେଣ୍ଢା ଆହତ ହୋଇଛନ୍ତି । ଖବର ପାଇ ବୈପାରିଗୁଡା ଗୋଷ୍ଠୀ ଉନ୍ନୟନ ଅଧିକାରୀ ଭାଷ୍କର ଚନ୍ଦ୍ର ସାହୁ ଘଟଣାସ୍ଥଳରେ ପହଞ୍ଚି ମେଣ୍ଢା ଓ ବଳଦ ମାଲିକଙ୍କୁ ଭେଟିଥିଲେ। ସରକାରୀ ନିୟମ ଅନୁସାରେ ମୃତ ଗୃହପାଳିତ ପଶୁଙ୍କ ମାଲିକଙ୍କୁ କ୍ଷତିପୂରଣ ଦେବାକୁ ଦାବି ହେଉଛି ।