ବାଲେଶ୍ବର କୁଲଡିହାରେ ଦନ୍ତା ହାତୀର ମୃତ୍ୟୁ, ମୃତ୍ୟୁ ପଛରେ ଶିକାରୀ ହାତ ଥିବା ସନ୍ଦେହ

କନକ ବ୍ୟୁରୋ; ବାଲେଶ୍ବର ଜିଲ୍ଲା କୁଲଡିହାରେ ଦନ୍ତା ହାତୀର ମୃତ୍ୟୁ । କୁଲଡିହା ରେଞ୍ଜ ତେଣ୍ଡା ବିଟ୍ ଆମ୍ବଝର ଗାଁରେ ଦନ୍ତା ହାତୀର ମୃତ ଦେହ ଠାବ କରାଯାଇଛି । ହାତୀକୁ କେହି ଶିକାର କରିଥିବା ସନ୍ଦେହ କରାଯାଉଛି । 

ଘଟଣାସ୍ଥଳରେ କୁଲଡିହା ରେଞ୍ଜରଙ୍କ ସମେତ ବନ କର୍ମଚାରୀ ପହଞ୍ଚି ତଦନ୍ତ ଜାରି ରଖିଛନ୍ତି । ଆଜି ସକାଳେ ସ୍ଥାନୀୟ ଗ୍ରାମବାସୀ ବିଲକୁ ଯାଉଥିବା ସମୟରେ ହାତୀଟି ପଡିଥିବାର ଦେଖି ବନ ବିଭାଗକୁ ଅବଗତ କରିଥିଲେ । କିଛି ଦିନ ହେବ ତିନୋଟି ହାତୀ କୁଲଡିହା ଅଞ୍ଚଳରେ ପଇଁତରା ମାରୁଥିଲେ । ତେବେ ହାତୀଟିର ମୃତ୍ୟୁ କିପରି ହେଲା ନା ତାକୁ କିଏ ମାରିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।