କନକ ବ୍ୟୁରୋ : ଲିଜେଣ୍ଡସ୍‌ ଲିଗରେ ଆଜି ପୁଣି ଥରେ ମୁହାଁମୁହିଁ ହେବେ କୋଣାର୍କ ସୂର୍ଯ୍ୟା ଓଡ଼ିଶା ଓ ମଣିପାଲ ଟାଇର୍ସ । ସୁରଟରେ ଖେଳାଯିବ ଏହି ମ୍ୟାଚ୍‌ । ଉଦଘାଟନୀ ମ୍ୟାଚରେ ଦୁଇ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ମାତ୍ର ୨ ରନରେ ହରଭଜନ ସିଂହଙ୍କ ମଣିପାଲ ଟାଇଗର୍ସକୁ ହରାଇ ବିଜୟୀ ହୋଇଥିଲା ଇର୍ଫାନ ପଠାନଙ୍କ ନେତୃତ୍ବାଧିନ କୋଣାର୍କ ସୂର୍ଯ୍ୟା ଓଡ଼ିଶା । ଏଥିରେ ଓଡ଼ିଶା ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବା ବେଳେ ମ୍ୟାଚ ଟି ବେଶ ରୋମାଞ୍ଚପୂର୍ଣ୍ଣ ରହିଥିଲା । ଭଲ ବୋଲିଂ ବଳରେ ବିଜୟୀ ହୋଇପାରିଥିଲା ଓଡ଼ିଶା ଟିମ୍‌ । ତେବେ ଆଜର ମ୍ୟାଚରେ ଟିମକୁ ବ୍ୟାଟିଂ ପ୍ରଦର୍ଶନ ସୁଧାରିବାକୁ ପଡ଼ିବ । ମ୍ୟାଚକୁ ନେଇ ସମସ୍ତଙ୍କ ମନରେ ଉତ୍ସାହ ଥିବା ବେଳେ କୋଣାର୍କ ସୂର୍ଯ୍ୟାର ବିଜୟ ନେଇ ଆଶା ରଖିଛନ୍ତି ଓଡ଼ିଶାବାସୀ ।